晚市又無堂食啦，咁唔識煮飯就唯有買外賣啦。唔想咁頹叫x飯x麵？又或者難得買外賣想樣樣試啲？掃街就岩曬你啦💁🏻♀️(你可以揀企係小食店門前食又得，又或者買一袋二袋翻屋企食又得😉) 1️⃣雞翼山🍖一個口味：$38/4隻，$48/6隻-避風塘蒜香味🧄：上面好多炸蒜所以食嘅時候要小心啲碎跌到周圍都係😂雞翼因為除左蒜仲有小小辣椒，所以食落微辣好惹味(推介：7.5/10)-鼠尾草鹹蛋黃哥味🥚：原來鼠尾草除左淨化環境同水晶之外仲可以食落肚，唔知可唔可以幫我清下啲內臟呢😂鼠尾草嘅加入，為普通嘅鹹蛋黃雞翼增添左風味，所以絕對唔係你諗緊個種鹹蛋黃味💁🏻♀️(推介：8.5/10) 2️⃣杯中物🥣💛(以下每份$15-$25不等)-甜酸辣味韓式炸雞粒🍗：食落唔多脆口，但勝在啖啖肉有口感之餘，個汁亦調得唔錯👍🏻(推介：6.5/10)-燒烤粉瘋味薯條🍟：攞完之後先知原來啲粉/醬係自己落嘅，我仲要揾唔到有燒烤粉，最後落左紫菜粉🥺薯條份量多，但唔脆，好在都唔算油(推介：4.5/10)-沙嗲雞串🍢：醬汁雖然唔香但夠曬濃味，雞肉亦好嫩，過下口癮幾好🤤(推介：7/10)-香芋地瓜球🍠：一盒有成10粒咁多，粒粒食落都煙煙韌韌，仲要粒粒都份量十足，兩個人食來講份量有啲多(推介：5.5/10) 3️⃣炙秋🍣💛-火炙醬燒三文魚吉列蝦卷$27🍤：食落口感上好滿足，但三文魚如果可以燒耐啲濃味啲就好啦(推介：5.5/10) 4️⃣初凝.芝茶🧀💛-初凝芝.桂花烏龍$28🫖：呢個奶蓋係超級好飲！終於揾到一間可以取代到h茶。奶蓋極厚，真心每啖茶都會mix到奶蓋，而且鹹度都較得好好，剛好中和翻茶嘅甜度🤩(推介：10/10)-初凝芝.荔枝烏龍$28🍵 5️⃣ETEA茶星人🥤💛-茉莉綠研$24/700ml加海鹽特濃芝士(+$6)🧋：茶底幾清，又唔會太甜，芝士奶蓋鹹度調得好好🤤(罰u指數：10/10)-1️⃣ 雞翼山 (T.O.P This is Our Place) (旺角)旺角彌敦道700號 T.O.P. 地下14號舖2️⃣ 杯中物 (旺角)旺角彌敦道688號旺角中心一期1樓F87B號舖3️⃣ 炙秋 (旺角)旺角彌敦道688號旺角中心1期1樓F87A號舖4️⃣ 初凝 · 芝茶 (旺角)旺角彌敦道688號旺角中心1樓F86A號舖5️⃣茶星人 (旺角)旺角花園街2-16號好景商業中心地下18號舖
