New year. New me.新一年要對自己好啲呀💓為左慰勞辛苦左1年嘅自己，今年1月1就去左朋友介紹，位於中環嘅’甘’，咁除左普通ment之外，佢地仲有個$280(需加一)包每人一份主菜嘅午市放題😍，你可以由中午12點作戰到2點半，雖然款式唔算好多，但差唔多樣樣都係超水準，所以呢個價錢，認真抵🤩(我食完一次就想book下次，試埋未試過嘅嘢🤤)呢到雖然唔算十分靜，但氣氛真係一流，加上下個月就係情人節，你...識做啦😏 1️⃣前菜~-脆炸雞件🍗：食落啖啖肉，好juicy🤤脆漿好薄，咬落一啲都唔膩(推介⭐️)-香煎豚肉餃子🥟：味道都幾香，而且即使煎過都唔會好油亦唔會乾-炸雞翼🍖：味道鹹香，咬落小脆 2️⃣沙律及天婦羅~-薄切牛沙律🐮：菜同牛嘅份量都超級多，但啲牛肉無論質感定味道都好似打邊爐嘅肥牛，所以大家無謂曬quota☹️-刺身薈沙律🥗：入面有啲三文魚刺身，三文魚籽同啲帶有少鹹嘅脆片，加埋黑醋汁撈埋啲菜食，鮮得來又好開胃(推介⭐️)-雜錦天婦羅🍤：薄薄嘅脆漿包住已經略略調過味嘅大蝦同蔬菜，食曬都幾飽肚下但唔會好油，蝦亦幾爽口👍🏻 3️⃣卷物🍥~(我諗廚師無跟到個list整比我，因為我見全部都有啲碎吞拿魚😂)-呢個卷物platter用料都幾新鮮，而且size唔大，令你食到高質嘅壽司之餘仲唔會好快飽🤪 4️⃣刺身:三文魚及魚籽，油甘魚，帶子，甜蝦🍣~-好新鮮，而且厚得來完全無筋。其中最推介嘅係三文魚籽，雖然可能咸左少少，但每一粒都漲卜卜，好juicy(推介⭐️) 5️⃣串燒~(雞軟骨好似好早就賣曬，大家想食嘅記得早啲來呀☹️)-雞腎：好有口感，但味道較淡-五花腩：半肥半瘦嘅口感實在太正，仲可以唧啲青檸去除膩唧感覺6️⃣主菜:牛扒/三文魚扒/烤雞(每人可選一款)~ -肉眼扒配自家製燒汁🥩：牛扒好juicy，自家製燒汁亦唔錯(推介⭐️) -三文魚扒配甜醬🐟：甜醬同魚扒岀奇地夾，魚扒保持嫩滑juicy，不過因為魚油嘅關係會比牛扒更易飽7️⃣飯或麵~(恕我無能為力，轉鵝肝配鰻魚飯都飽到試唔到😫) 8️⃣甜品~-以兩粒唔同口味嘅雪米糍作為總結，雖然超凍但好滿足🥰 -人均：$280(另加一)價錢：8/10美味：9/10服務：8/10- Amazake (中環)中環安慶臺1號安慶大廈地舖
