大家都將近一年無去過旅行，係咪好掛住搭飛機，去到當地掃街嘅感覺呢？荃灣愉景新城而家有個’台灣文創嚐味之旅’，比大家又食又買！想知有咩推介就睇埋落去啦💁🏻♀️ 特色士司專門店：台式甜不辣x越式法包(半份$35，一份$55)法包幾脆，除左甜不辣之外，仲夾左醃菜，令口感同味道無咁單調(推介：6.5/10) 台式麻辣關東煮$48🍡料都幾足，有大大舊蘿蔔，小冬菇，米血，魚蛋...但唔夠辣😫(推介：5/10) 喜悅味道：鹽酥雞$40🍗呢間因為唔係炸定，所以大家要預小小時間等。份量來講比預期多，但雞塊size較細，所以只係食到外面好脆好鹹香，唔係好食到入面雞肉嘅口感(推介：7/10) 💛九份茶舍：三色鮮草芋圓$37🍡食完熱氣嘅鹽酥雞梗係要整翻碗清涼嘅鮮草清下熱啦。37蚊來講cp值極高，唔會太甜，芋圓大大粒都幾煙韌，仙草食落超涼爽，仲有口感qq彈彈嘅啫喱，超正😍再撈埋煮到軟糯嘅紅豆=perfect🥰(推介：8/10) 大頭芋 芋頭專門店：爆漿芋心蛋捲$95🫔用白兔糖包裝紙包住令成件事充滿童年回憶😍蛋捲非常軟熟，入面捲住超多芋泥，岩曬芋迷，芋泥又香又糯，整體甜度適中。大家可以試落放落冰格，我諗口感會好似雪糕🍦(推介：7.5/10)- 荃灣愉景新城
