本身諗住係灣仔揾間靚靚cafe食下嘢打下卡,過一個休閒嘅星期六,點知今次真係中伏了😣可能會有人話,現今打卡靚少少嘅cafe,食物質素都唔會好得去邊,但呢間真心有少少誇張 入到來,尤如入左一個漫畫世界一樣,黑白嘅colour tone,線條彎曲營造岀嘅幻覺感,令人期待跟住落來上枱嘅食物 每份set lunch包一杯餐湯同一小塊麵包,當日餐湯係蘑菇湯,味道不過不失 香煎鱸魚柳配檸檬忌廉汁$118🐟當日要食齋嘅小金就無試到條魚,不過聞落都煎得幾香,但個汁就比較淡 肉腸茄茸意粉$108🍝雖然presentation幾好,但味道頗淡,亦唔係夠香 Lavender dream(+$28)🍸呢個貴為本店嘅人氣之選,小金又點會錯過每個試伏嘅機會呢💁🏻♀️呢杯其實係薰衣草荔枝茶,飲落淡而無味,最激氣係個杯上面用來增加美觀感嘅白色點點,一high上手就變藍色,而且好難抺甩🙄 Cappuccino(+$23)☕️ 粉紅花之丘$88🌸呢個係因為係用糖畫岀來嘅殼,所以每一份都會好唔同,係幾值得打卡嘅,但味道方面😓brownie得個甜字啦,啲’條狀’嘅chocolate cream,痴埋啲chocolate crumble之後,無美觀感之外仲有啲似💩😵 花見$78🌺望落都唔錯嘅,本身對呢個幾有期待,點知上層其實只係無乜味嘅玫瑰大菜糕,下層係唔creamy亦無乜檸檬香嘅lemon cheesecake,再揾almond crumbles圍住😓 ULURU (灣仔)灣仔春園街1-11號春暉大廈1樓