上次夏季restaurant week食左Pirata Group主打義大利菜嘅Pirata後，感覺環境，食物質素，服務態度，各方面都幾好，所以秋季restaurant week，我地又來啦😝不過今次去嘅係主打西班牙菜嘅The Optimist💁🏻♀️ 開始之前，餐廳會先上兩款酸種麵包🥖比大家點酸忌廉食，外脆內軟嘅麵包同酸忌廉真心超夾🤩 Starters (All for sharing) Iberian Cold Cuts Selection🧀-入面有芝士，soft cheese配jam嘅包，兩款salami同埋風乾嘅ham-超級欣賞個soft cheese配jam嘅小脆包，芝士味道唔會太濃郁，仲食到微微嘅果醬酸甜味；兩者互相平衡😋-salami同ham嘅份量同質素無因為restaurant week嘅優惠而降低🥰Pinchos of the day🥚-即係北西班牙式蛋餅，入面撈左啲薯仔同洋蔥，令蛋餅味道無咁單調之餘仲增加左口感 Mix Croquetas🥔-兩款西班牙炸球，分別係ham同mushroom嘅口味，菇個個一切開已經聞到勁香，而ham個個就略為膩同濃味左少少，不過兩款都做到完美嘅外脆內軟口感👍🏻 Spinach Salad🥗 -撈左脆麵包粒同nuts再加上豐富果香嘅醬汁，令人用開胃嘅感覺去迎接之後嘅主菜 Main courses Canelones de Truffa (+$48)🍝-其實就係千層麵😂只係無咁多層，同埋得白醬。兩塊麵中間夾住嘅係同醬汁混合嘅牛頰肉，加埋頂層嘅芝士，食落味道濃郁但真係會好快飽。 Salmon ‘Guetaria’ with Portobello Mushrooms (+$48)🐠-加左蒜片一齊煎嘅三文魚煎得恰到好處，食落好嫩滑😌而且醬汁入面嘅Sherry vinegar令整體感覺無咁膩😋 Eggplant ‘Al Horno’🍆-蕃茄，羊奶芝士，松子仁同醬汁令炭燒過嘅茄子味道變得濃烈，個人幾鐘意松子仁加入後嘅口感👍🏻 Dulce Flan🍮 -布甸蛋味超濃，完全無比焦糖嘅甜味蓋過。旁邊嘅lemon cream就普通，加埋一齊食無平衡翻甜酸度嘅感覺，反而有啲膩 Mixed Berry Cheesecake🍰-cheesecake比想像中硬身，頂層加得太多crunch令口感上扣左少少分。Berry sauce唔錯，甜酸度剛好 The Optimist (灣仔)灣仔軒尼詩道239號地下至2樓
