享和街又有新嘅cafe加入啦，今次仲係行文青風：白色嘅牆身，簡約嘅設計，加上裝飾用嘅小盆栽，令大家一踏入cafe就暫時忘卻自己身處於車房區域😂 黑松露雜菌長通粉$73🍄非常香嘅黑松露味😌雜菌份量都唔少，醬汁望落份量少，但其實係岩岩好夠撈曬成份長通粉，而且食落唔會好漏，通粉亦好有口感，不錯不錯👌🏻 深海龍脷柳鮮茄意粉$73🍝龍脷柳外脆內軟，而且感覺係岩岩炸起就上，熱辣辣，正🥳不過魚肉有啲散，口感上扣左少少分😟意粉嘅鮮茄汁味道好天然，但質感上水左啲 珍寶帶子明太子忌廉意粉$93🦪帶子果然係jumbo size，又香又彈牙😋明太子醬好creamy，但感覺可以再濃味啲 紐西蘭肉眼扒配薯菜(可配洋蔥汁意粉)$93🧅塊扒雖然唔係全熟，但柴過我啲面皮，又一塊湯渣扒😰薯條就普通啦，但沙律個汁就怪怪的🤢套餐包一杯$16飲品，如需其他飲品可加錢 曲奇妙趣(+$25)🍪飲落好creamy，而且仲係店內嘅人氣之選😋 熱抹茶奶綠(+$20)🍵飲落無乜抹茶味😣 套餐仲包沙律或餐湯，沙律菜幾新鮮，當日餐湯係粟米忌廉湯，飲落好creamy，仲有打到碎左嘅粟米粒🌽
