牛大人 今日終於食到期待已久嘅牛大人🤩🤩我哋見12:00開門，所以提早少少上去等位😱估唔到上到去已經係企滿同樣係等開門嘅人😂店員指示我哋按住條龍排隊，人數已經整整圍咗一圈🙈未食都已經感受到佢嘅魅力😍店員好準時12點就安排我哋入座，因為店舖好夠大，所以就算幾多人都可以順利入座🥰🥰 入座後好快就有店員黎落單，台灣火鍋最正就有多款湯底😍呢度嘅白玉酸菜鍋同鳳梨雞鍋比較特別，平時好少見😗不過朋友表示佢真係空肚準備食呢餐🤣怕會太酸接受唔到，所以我哋最後都叫返最簡單嘅養生濃湯鍋😚 用手機落單後我哋就分頭行事，一個去攞醬料，一個去攞火鍋配料😌 中途就比個飲品櫃分咗心🙈有多款自家製冷泡茶，整齊排列，真係好靚😍另外都會一般常見嘅汽水，如果仲覺得唔夠喉嘅😌😌可以考慮吓叫18+冬瓜茶(+$38)😗係咩嚟？其實就係左whisky嘅冬瓜茶，雖然whisky都幾濃幾重，不過加咗冬瓜茶，容易入口好多，又幾清新😋攞齊所有嘢返到埋位後，就發現湯底同埋肉都已經準備妥當，一埋位即刻可以淥，時間啱啱好😎 今次我哋叫咗嘅係澳洲極上和食到飽($198)🤤🤤基本上所有午餐包含嘅肉都已經有齊晒，仲可以任食澳洲和牛M5牛肩卷😍 肉片切得好薄😌所以淥一淥就熟，即刻可以食，非常之嫩🤤🤤🤤和牛M5牛肩卷油香重，入口即化，而特選牛板腱肉味濃，呢兩款肉我忍唔住encore左好多次啦😝😝 另外仲有啲幾特別嘅火鍋配料，就好似蟹籽墨汁漿，干貝鮮魚漿，同期間限定嘅章魚珍珠漿😛三色就哂，都幾爽滑😋 除咗火鍋，仲有好多台灣小食😍有鹽酥雞，台灣腸同甜不辣😋😋 食到最後仲會有仙草糖水，仙草真係好滑，好正🤤 總括而言今次一個幾好嘅體驗😙湯底款式又多，食材質素又高，而且服務都幾好，上菜速度快，又冇漏單👍🏼唔錯🤣🤣🤣📍牛大人台灣火鍋吃到飽 (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期5樓點擊圖片放大 +10
