堅尼地城站附近新開了這間7000尺的歐陸式西餐Cafe，粉紅與粉藍的門口室外座位，正是這間餐廳著名的打卡位，但其實內裏亦不乏打卡點，裝修充滿歐陸風情，隨便影都好靚。 7000尺大概就係大到可以任坐都無人係附近嘅概念。 點擊圖片放大 +2 今次是衝着餐廳的即叫即摘，自家種植水耕菜而來。 每棵都是好乾淨好新鮮的感覺。 等我試一試先。 牛油果鮮蝦配乳酪水耕菜沙律($128) 好足料，原個牛油果開邊夾住鮮蝦喺中間，水耕菜嘅品種好多，新鮮鮮甜，有配新鮮嘅西柚，用了乳酪代替沙律醬，酸酸甜甜感覺特別健康。 美國封門柳250g ($188) 五成熟，封門柳的外面煎得好香脆，封住左肉汁，肉質保持好嫩滑而且軟腍，肉味好濃郁，份量都算幾多。 海鮮燴意大利米粒麵($158) 海鮮有鮮蝦、魷魚、青口，都算幾多，醬汁甜甜地有啲似燒汁，幾特別，意大利米粒麵比起意大利飯長身少少，質感滑滑地，煙韌感比較高。 牛油果乳酪沙冰(跟餐+$40) 以上價錢已經包左餐飲同餐湯，$28以上嘅餐飲就需要補返錢。但強烈推介這個牛油果沙冰，牛油果配乳酪，冇加糖都已經好好飲，推介！ 整體來講餐廳的質素相當高，雖然唔算特別平，但這個價位，比起其他連鎖的西餐店都算幾抵食，而且人少少地方又大又舒服，好好坐。 📌 Chill and Grill 西環加多近街57號地舖 點擊圖片放大 +9
