元朗又有新開的Cafe，先比佢的文青風裝修所吸引，以白色同木色作為主調，好有韓式咖啡店的感覺。 一入到去就覺得空間感十足，Open Kitchen的設計，特高的樓底，加上吊燈裝飾，令人心情放鬆。Cafe雖然不算太大，但座位好寬敞，又有落地玻璃加日光相伴，靜靜地嘆個lunch，飲杯咖啡好寫意。 Cafe除了輕食外，仲有沙律、意粉和其他飽肚的選擇，選擇都算幾多，飲品方面亦有非咖啡類的飲品可供選擇。 煙三文魚牛油果忌廉芝士Bagel ($65)Bagel外微脆內煙韌，兩面都搽滿左厚厚的Cream Cheese，好正！牛油果加三文魚簡直係不敗的配搭，加了少許香草調味，還有芝麻醬配新鮮嘅沙律菜，身為芝士、三文魚同牛油果控的我當然全碟清了！ 抹茶 ($38)甜度適中，本身好怕matcha會太甜，香濃的抹茶味，質感順滑，再加上精緻的拉花，好適合影相！ 火腿芝士牛角酥 ($35)牛角酥好酥脆，淡淡牛油香。內𥚃夾住半溶芝士同火腿，鹹鹹香香，好食！ Dirty ($38)雖然未有一般cafe常見嘅澎湃感覺，反而有一絲淡淡簡約感，同cafe裝修一致。奶味唔算香濃，微酸，但入口都算順滑。 整體來講，Cafe的內部氛圍幾悠閑，環境寧靜，樓底好高，空間同枱都頗大，幾適合嘆杯咖啡工作一下，食物和飲品質素都不錯，份量和款式選擇都多。📌AFTER TEN (元朗)元朗教育路75號京都閣地下3號舖———————————————————————可以 Like & Follow 埋我地其他Channel 😉 以便得到最新吃喝玩樂資訊💕IG：Foodie.Therapyyy___OpenRice：Foodie.therapyyy點擊圖片放大 +3
