今次要為大家介紹北角一日遊，平時未必會覺北角有咩好玩地方，但最近有個3000呎港版紫花海，非常適合打卡！地點都好方便，北角地鐵站A1出口，向海旁方向行2分鐘，北角匯二期海濱長廊。溫馨提示：如果想入去影相就要預先上網預約定，每個時段人數有限，而且只係得十分鐘影相時間，所以要快手。如果無book到位就只能夠在欄外影相了。 紫海花田，可以企係中間小路拍照，彷彿置身於一片花海中。 基本上隨便影都好靚，園區有人數限制，唔會有其他人攝鏡，影得好輕鬆。 影相效果好靚，有如置身於日本花田。 仲有長長的紫騰花隧道，好多打卡位。 值得一提，工作人員不可幫手拍照。 由於衛生問題，建議大家都帶返口罩，同埋都有限制入場人數，每個預約可以兩個人入場，每節最多七組預約，限時10分鐘，建議大家可以於預約時間前預早少少去排定隊，因為夠鐘就會有下一批人次入場，要好好把握10分鐘拍攝時間。如果大家有興趣，可以去北角匯花海網站預約，每朝早十點開始，會開放三天預約期，並延長開放到11月15日，詳情可以留意北角匯Facebook，天雨問題有機會暫停開放。如果想預約週末或者日間時間，就要準時十點捕下了。影完紫花海之後，可以行幾分鐘，到附近「北角秘密花園」嘆杯咖啡食件cake，同朋友傾吓計坐下，渡過一個綠色的悠閑下午，大力推介他們的巴斯克藍莓芝士蛋糕！ (延展閱讀：鬧市中的綠洲｜北角秘密花園)意想不到，今日竟然在北角過了一個充滿色彩的一天，先有紫色浪漫花海，再有綠色叢林Cafe，可以拋下煩惱，有如去了一趟日本旅遊。———————————————————————可以 Like & Follow 埋我地其他Channel 😉 以便得到最新吃喝玩樂資訊💕IG：Foodie.Therapyyy___OpenRice：Foodie.therapyyy點擊圖片放大 +5
