近排天氣開始轉涼,秋風起開始皮膚乾燥,喉嚨又有點乾。想飲下滋養糖水,但又唔想成日食外賣,可以試下自己整。 今次整左懶人版花膠燉鮮奶,只需三個步驟,三十分鐘就完成,再用燘燒杯焗下,返工前預備,放工就食得,女人真係幾忙都要養顔滋補。 製作時間:30分鐘 份量:1-2人 材料: 花膠仔 2-3隻(已浸發及洗淨) 紅棗 、 蓮子、白合 (隨個人喜好加減) 薑蔥(花膠汆水用) 牛奶 500ml 冰糖 適量 燘燒杯 製法: 1. 預先浸花膠(建議可浸過夜),將紅棗去核後,連同蓮子白合浸泡備用。 2. 洗淨花膠後,加薑和蔥汆水8-10分鐘,切件備用。同時間用熱水預熱燘燒杯。 ⚠️注意⚠️ 花膠遇油會發不起,所有容器一定要洗乾淨。 3. 花膠加入牛奶、冰糖、蓮子、紅棗、白合,所有材料大火煲滾後,以中火煮15-20分鐘,趁沸騰狀態快手倒入燘燒杯,扭實蓋好便完成。 【懶人Tips】通常我會前一晚浸定花膠,朝早起身用少少時間汆水同煲滾放入燘燒杯,收工返到屋企一打開就食得,最適合上班一族,不需要慢慢燉,三十分鐘完成,真係懶人秋冬必備滋補養顔糖水。 延伸閱讀:懶人深秋滋潤必備|極速花膠燉鮮奶×即飲湯包 點擊圖片放大 +3