屯門華都商場的人氣Cafe，長期吸引一堆食客在門外等位。餐廳有一排落地玻璃門窗，採納天然光，淡淡的日光讓人感舒服。今次名符其實係轉角遇到高質cafe！ 餐廳都算大同闊落，但疫情關係所設座位不算多，亦有在門外列明抗疫安排，例如只招待四人以下客人等。因此，就算1-2人亦都可以坐四人枱，能與其他食客保持一定距離，有做足social distancing。 但由於收起了部分座位，所以只有八枱左右，如果想光顧就需要預留時間等候。不過用餐限時50分鐘，食客亦相當合作，所以流量都快，不用等太耐。 咖哩吉列豬扒蛋包飯($66)咖喱是日式甜咖喱，即炸的吉列豬扒非常酥脆，炸衣厚薄適中，豬扒肉質軟腍。炒蛋造型好靚而且炒得嫩滑，水準拍得住咖哩專門店有餘，留意到好多食客都有點咖哩飯，似乎都薄有名氣。 英式早餐($98)早餐好豐富，有車打芝士腸、蔬菜薯餅、炒蘑菇、炒蛋、茄汁豆、奶油吐司、煙肉，加$5可以升級煙肉為煙三文魚。車打芝士腸煎得好熱好香脆。蔬菜薯餅好有驚喜！炸得好酥脆，入面是綿綿的薯仔蓉同蔬菜，與平時連鎖店食開一粒粒顆粒感不同，似乎是小店獨家炮製的，好有誠意！旋風蛋好嫩滑，而黑醋沙律菜亦爽脆新鮮。當然仲有招牌「法式奶油吐司」，極級邪惡，沾滿白砂糖同奶油，好香脆好甜，邪惡程度更勝港式西多士！！法式奶油吐司可以在門口甜品櫃單點外帶，平日下午茶set又可以配雪糕，可見受歡迎程度奇高。 套餐價錢已經包了飲品，亦可以加錢轉其他飲品。餐廳亦設有外賣服務，等位期間亦都見到不少客人落單外帶。一眾街坊可以先打電話落單，避免等太耐。 此外，亦留意到店員有係客人離開後有作徹底消毒，衛生意識非常高。餐廳不單只處理每一款食物都好細心認真，而衛生防衛措拖亦一樣一絲不苟，值得一讚。 轉角 地址：屯門屯利街1號華都商場1樓2-3號舖———————————————————————可以 Like & Follow 埋我地其他Channel 😉 以便得到最新吃喝玩樂資訊💕IG：Foodie. Therapyyy___OpenRice：Foodie.therapyyy
