已經好久沒有與朋友相聚，一知道放寬至4人限聚令後就即刻相約好友晚飯。週末晚上，旺角大部分有名的Cafe 不是full booking 就是只接受walk in。想不到最後發現Liberty 竟然可以book位而且仲有位！ Liberty 環境舒適，兩層高樓底中掛住一束水晶吊燈，更顯闊落。有日光時可選擇坐喺半開放的小窗台悠閑地欣賞街景，別有一番滋味。今晚被安排在閣樓位置進餐。平日夜晚大部分Cafe都會有Dinner set，想不到Liberty連週末都有Set Dinner，會配有是日精選餐湯及飲品，飲品可加錢轉特飲。 另外值得一提是加$6 便可享用鮮焗法國牛角飽，是很值得加錢的一項，因為牛角包真的很脆，滿有牛油香，好好食！ 白汁芝士焗三文魚千層麵 ($128) 白汁唔算做得出色，味道偏淡，像是缺了調味的麵糊，但千層麵口感唔錯，煙煙韌韌，不會過軟過硬。 意式焗牛肉醬千層麵 （$128) 再叫多個千層麵，肉醬不錯，幾好食，同麵好夾，而且表面灑滿芝士！正！ 燒帶子黑松露蘑菇意大利飯 ($178) Risotto好好食，好Creamy，加上黑松露香濃，燒帶子非常鮮甜，推介！ 另外加了小食秘製炸雞翼 ($78)， 即叫即整，熱辣辣，又香又脆，而且份量都不少。 另一個小食奧地利忌廉芝士條 ($68) ，忌廉芝士被薯蓉包住後再炸，外脆內軟，似薯片的口感，咬開還有拉絲，芝士控必叫！！ 餐飲加了$38 轉為Smoothie，平常單點要$68Avo- Cucum Bee (蜂果) 以牛油果和青瓜打成，再加上蜂蜜，青瓜略厭蓋過了牛油果和蜂蜜的味道，不過是個新鮮而清新的組合，值得一試。Triple Berry (莓之森林) 以雜莓和香蕉，以及牛奶打成，香蕉味濃，整杯都香滑。Hot Lady (夏日女神) 由菠蘿、草莓、柚子，以及牛奶打成，柚子味出色，好適合夏天！ 其實Liberty 尚有提供不同咖啡和Cocktail供應，即使不是來晚飯，都可放慢腳步，與朋友聊天品啡品酒，輕鬆一番。 最後加$38 叫了兩個甜品，新推出的Apple crumble cheesecake，較少見的配合，但脆脆的表面加上蘋果為cheesecake 帶來清新而又沒有蓋過芝士味，幾特別幾有驚喜。 另一款是menu常設的New York cheesecake，芝士味香濃幼滑，又不會太甜太膩，都不錯。整體來講，用餐感覺非常好，不設限時，沒有任何的吹迫，侍應禮貌又友善，讓你可自由地在此暢聚。晚餐質素亦都不錯而且好優惠，特飲和甜品都好齊全，令整個晚餐好完滿！另外，師生/社工/消防/醫護更會有9折，好抵食！📌 Liberty Coffee & Wine 地址：油麻地窩打老道33號翠園大廈地舖———————————————————————可以 Like & Follow 埋我地其他Channel 😉 以便得到最新吃喝玩樂資訊💕IG：Foodie. Therapyyy___OpenRice：Foodie.therapyyy點擊圖片放大 +9
