因為疫情嚴重大家都不能外遊，各大酒店不停推出不同的staycation， 而且愈出愈優惠，近日見朗廷酒店再次推出「零房價」package，更稱為加強版，所以先為大家介紹上一輪既基本版有幾抵玩！一見到朗廷酒店以「零房價」做招徠就心動了，忍不了手踏上愛上staycation的第一步。「零房價」package主要是會回贈與房價相等的消費額，消費額在酒店內所有餐廳都可以使用，連米之蓮三星的唐閣都包括在內，又有得食又有得住真係好抵玩！📅 入住日期 ：16/8-17/8當時晚市堂食仍未開放，住客只可選餐廳外賣或room service晚餐。而我地目標係米之蓮三星的唐閣，為左可以享受星級服務，所以將消費額留在第二日堂食唐閣午膳。我地大約3點到達酒店，當時都已有不少人在check-in，但酒店表示房間未準備好，問我地可否多等一個鐘，於是我地到附近閒逛，到差不多時候再回去，發現房間被upgrade了， 而且更可以late check out 至2點。我地本身計劃了到唐閣午膳，可惜網上早已full booking，所以check in時詢問reception，最後職員幫我地book到兩點半，更安排我地可以午餐後再來check out，好讓我地不用走來走去。職員的友善及體貼由一開始就讓顧客深深體會到💕 房間在頂層16樓，需要於15樓再上樓梯才到達，位置較寧靜。房間簡潔而高貴的英倫風，景觀是城市景，因為是高層，景觀都算開掦。 洗手間以白色雲石為主，簡潔明亮，注重整潔衛生的相信都會滿意。 因為午餐計劃於酒店內享用，所以早餐都不打算外出了，我們叫了room service breakfast，西式自選早餐可選3-6款，價錢約$250-$350，亦可選擇中式/日式早餐。我們最後叫了一份自選早餐，6款全都叫了兩人分享，真的多到連兩人都吃不完。差不多到了訂枱時間，我地收拾好行李準備離開，再一次感謝職員的安排，好讓我地不用check out後要找地方消磨時間。到達唐閣即感到那份富麗堂皇，枱與枱之間頗闊落，空間感與私隱度高，侍應服務好好，落單更會細心詢問有甚麼不能吃，有查詢時會詳細解答。 原隻鮑魚花膠酥 鮑魚炆得軟腍，花膠配上醬汁放在曲奇撻內，好香好夾。鮑魚切了一刀分為二，方便一小口地食，每一啖都見到廚師的細心。 蜜汁鱈魚 上枱時感到平平無奇，但一夾便感驚喜，表皮好脆，魚肉濕潤，外脆內軟。 金華滑燒賣 每粒都好飽滿，肉同蝦比例剛剛好，唔會太多肥肉。 唐閣寶盒飯 原個蟹蓋放在金色器皿上，貴氣十足！忌廉汁下粒粒金黃的炒飯，再加上豐富嘅海鮮粒，絕對係大滿足！ 楊枝甘露 + 桂花燉蛋白兩款平凡中見不平凡的甜品，甜度適中，清甜不膩，實為一餐美好的完結。雖然價格較高，但食物與服務質素絕對是值回票價！每道菜式都能感受到背後那份為食客著想的心意，相信見微知著就是這樣。再加上貴氣但寧靜舒適嘅環境，米之蓮三星係實至名歸！Package大致上都幾抵玩，平時如果要食餐好少少價錢都差不多，但加多少少錢就可以包埋房間，慢慢食，慢慢玩。若果真的要批評，就是景觀不算太精彩，但以這個入門價，可以找個機會放慢腳步鬆弛下來也是很不錯。值得一提，酒店最新推出的「零房價」加強版，消費額加大了，連spa都可以用，現在又可以晚市堂食，真係玩到幾夜都唔怕！🏨 The Langham hotel 地址：香港九龍尖沙咀北京道8號 ———————————————————————可以 Like & Follow 埋我地其他Channel 😉 以便得到最新吃喝玩樂資訊💕IG：Foodie. Therapyyy___OpenRice：Foodie.therapyyy
