之前見過Facebook拉麵群組推薦來自東京的「丸目背脂煮干」,所以今次就收工過黎試下啦~😜 「丸目背脂煮干」拉麵主要有三種食法:分別是湯麵、沾麵和油麵,湯底除了背脂煮干外,還有海老辛醬和黑椒湯。📌適逢8月做緊「澱粉質月」活動,全個月嘅夜晚仲可以免費替玉/加飯~😳超正!👍🏻「丸目背脂煮干」嘅招牌拉麵一定係非背脂煮干湯莫屬~😏🔸特製背脂煮干湯拉麵($88)豬背脂油「背脂」及大量沙丁魚乾熬出「煮干」做湯底,再加入日本醬油,經過足足三天熬製而成。 湯底望落去似「蛋花湯」,背脂像雪花般四散在湯的表面,飲落甘香鮮味~☺️拉麵配料豐富,有味玉、慢煮豚肩、炙燒豚腩、洋葱、木耳、紫菜、青葱等,麵質都算有咬口,不過麵條唔係好掛湯。慢煮豚肩好嫩滑; 炙燒豚腩半肥瘦,不油不膩; 溏心蛋蛋黃呈流心狀,正!☺️👍🏻🔹海老辛醬豚骨湯拉麵($98)湯底是濃郁的豚骨湯,加左由海老頭、胡椒等製成的辛醬汁,表面有厚厚的油脂覆蓋。 嗜辣嘅小編仲試左鬼辣!超重口!🌶️😈不過辣度對於食開譚仔小辣嘅就唔算太辣!🤪😂第一啖飲落去有濃郁的海老香,慢慢會滲出辛辣味~ 📌個人覺得海老辛醬豚骨湯味道濃厚過背脂煮干湯,背脂煮干湯相對地比較清香,鍾意重口嘅一定要試下!😏飲品有各款來自日本🇯🇵嘅汽水。晴王麝香葡萄梳打($20)採用信州出產高級品種ShineMuscat葡萄汁,味道香甜清爽。完熟桃子梳打($20)由山梨縣和長野縣桃汁製成,飲落去有濃郁嘅桃🍑香。 平日午餐仲有7折,$58起,仲抵食。 地址:丸目背脂煮干 (旺角)旺角通菜街74號地舖營業時間:星期一至五:12:00-16:00,17:30-23:00星期六、日及公眾假期:12:00-17:00,17:30-23:00