朋友介紹之下，去咗太子「火薈中日火鍋」，點擊圖片放大 「火薈中日火鍋」主打港式火鍋，除咗🇭🇰香港特色火鍋和雞煲外，更有多款活海鮮或刺身供應。透過openrice訂座，可享有火鍋料85折優惠，適用於星期一至六。😏如果鍾意食海鮮嘅話，其實鮑魚龍蝦餐都唔錯😂。有5款是令海鮮如龍蝦🦞、蟶子王、鮑魚、海蝦、花甲王；仲有安格斯牛肉/黑毛豬，都只係每位$338起。 ⭐️小紅書打卡優惠⭐️現凡於小紅書打卡分享，即送即炸午餐肉或香炸魚片頭（原價$48）乙份。 香炸魚片頭一份有8件，份量十足！炸得幾香口，口感爽彈，蘸泰式甜酸醬一齊食perfect match！🤤 見呢度嘅海鮮咁新鮮，梗係要試吓啦～🔸帶子刺身（$98）‼️推薦‼一份有6件厚切嘅帶子刺身，味道鮮甜，美味しい🤤 醉雞煲食得多，醉羊就第一次見！😂 🔹藥膳花雕醉羊鍋（$148）‼️推薦‼藥膳湯底香氣四溢，有多款高質藥材如淮山、紅棗、黨參、北芪、杞子等，酒味唔算好濃烈，有啲驚喜嘅係，羊肉唔係切片，而係羊肉切件！😳 份量都幾多，味道完全唔羶，不過可能羊肉係汆水之前未浸過酒，所以酒味唔係好入到羊肉裏面，建議炆煮一陣先食用。😏🔸西班牙黑毛豬（$168）‼️推薦‼一份有12塊之多，份量都算合理，肉身呈大理石紋，肥瘦相間，甘香味美，必試！ 🔹黑柏葉（$88）‼️推薦‼好新鮮，原汁原味，口感夠爽脆～ 🔸四寶餃（$148）‼️推薦‼有雲吞、水餃、黑松露餃、韭菜餃， 每款有3隻，全部都好大隻，皮薄餡靚～雲吞、水餃有原隻鮮蝦係裏面，用料十足！😳韭菜餃菜肉比例適中，鹹香味美；黑松露餃好香口，如果加返啲菇菌係裏面，可以更增添咬口呢～🤭😆🔹手打雙拼丸（$98）可以4選2，我地揀左牛丸、墨丸，比較欣賞墨丸，有粒粒墨魚肉喺裏面，夠晒咬口！🤤 🔸鮮淮山（$40）‼️推薦‼ 份量都算合理，新鮮爽脆，正！👍🏻點擊圖片放大 地址：火薈中日火鍋 (太子)太子花園街239號嘉慶苑1樓營業時間：星期一至日：18:00-01:30
