朋友係觀塘海濱返工，今次就跟佢係附近搵食，佢介紹左間主打手工即製Pizza及意粉嘅意大利餐廳「MANO」， 做緊星期一至日全日Happy Hour！啱晒我呢啲酒鬼☺️ ⭐️推薦❗ 夏威夷薄餅Aloha（$178） Pizza即叫即整，送到上枱喺熱焫焫～🔥批底口感有韌勁，批邊焗到有啲燶邊，入口帶炭火香！每一片薄餅都鋪滿大大塊火腿，鹹香惹味，夠晒足料！而批面搽上聖馬札諾蕃茄蓉及馬蘇里拉芝士🧀，味道豐厚，最欣賞佢係用新鮮菠蘿🍍，香甜可口。 ⭐️推薦❗ 🧀芝士肉醬千層麵 Mano Lasagne （$158）自家製千層麵，配上濃厚芝士🧀及酸甜開胃的番茄肉醬，啖啖惹味～ 香蕉榛子朱古力醬薄餅 Banana Nutella Pizza （$88）本來以為會係一塊薄薄嘅薄餅，原來係另一個大pizza！😂邪惡綿花糖配上香蕉、紅莓，再淋上榛子醬，甜中帶酸，唔會覺得太甜膩， 不過我個人覺得多返啲香蕉，唔好擺咁多綿花糖會好啲，切合返主題。Summer Isola （HH$68, NH$88） 充滿夏日風情的cocktail～氈酒配上橙汁及菠蘿汁，香甜清爽。Sangria Red（HH$68, NH$88） 紅酒🍷配上白蘭地，加上各式水果如桃、檸檬🍋利口酒和橙汁等，果香十足。點擊圖片放大 +2 地址：Mano (海濱匯) (觀塘)觀塘海濱道77號海濱匯1樓4號舖營業時間：星期一至五：12:00-23:00星期六、日及公眾假期：12:00-22:00
