九龍城返工嘅小編，周不時都會去土瓜灣搵下食😏，最近發現北帝街新開左間車仔麵「一喜車仔麵 」， 有別於一般嘅港式車仔麵店，除咗傳統嘅車仔麵餸豬紅、豬皮、蘿蔔之外，仲有好多潮汕特色小食，如汕尾小米粿、馬鮫豬肉丸、牛筋丸、魷魚丸等，店家行健康路線，主張自家製手打肉丸、手工餃子、醬汁等，啱晒注重健康嘅foodie☺️，就同同事試下佢啦～可以手機📱落單好方便～👍🏻如果想一次過試晒店家招牌自家製嘅「潮汕四寶」，就可以試吓…🔸紫菜四寶，配秘製黃金雞湯（$49）一碗有齊小米粿、馬鮫豬肉丸、牛筋丸、魷魚丸，共9粒，都幾抵食～😜加$10就可以搭配粉面，仲可以繼續加配其他餸菜。 秘製黃金雞湯係用雞和南瓜🎃熬製而成，濃郁膠質重，味道香甜清爽～☺️🌟小米粿係用店家自家食譜找廠家訂製，㊙️外皮以蕃薯粉搓製而成，口感煙韌彈牙，內餡有五花腩及大地魚碎，肉質幾有咬口，值得一試！👍🏻 🌟魷魚丸‼️推薦‼真係名符其實嘅有魷魚🦑！😂肉質鬆而爽口，食落唔會覺得好粉，食到粒粒魷魚！入口富口感，帶柔和嘅清甜。🌟爆汁牛筋丸及🌟汕尾馬鮫丸同樣都係店家自家食譜出品，馬鮫丸以馬鮫魚加上五花肉及汕尾當地的炭燒大地魚粉製成，食落幾香口～ 牛筋丸都幾juicy～不錯不錯👍🏻！仲加左個豬紅（+$10），味道比較原汁原味，冇半點腥味，口感爽滑～ 如果有選擇困難症，可以揀豪華九寶，有齊9個餸，都只係$53起。唔食套餐都可以自選淨餸或車仔麵～都有好多選擇！麵底$10起～點擊圖片放大 🌟酸齋（$10）味道比較清淡，但都算入味。🌟秘製菜肉餃（$15）‼️推薦‼自家包製嘅餃子，一份有三粒，好欣賞餃子🥟皮咁煙靭，菜肉餡完美比例一比一，值得再encore！ 🌟生炸豬扒（$15）‼️推薦‼一份有三大件，份量都算合理！果然係生炸，外皮微脆，肉質都幾厚，食落一啲都唔嚡口，不錯吃👍🏻㊙️值得一提嘅係㊙️：所有醬汁如咖哩汁、瑞士汁、沙嗲汁、麻辣醬都係自家製，唔會太重口或太多味精，夠晒健康！☺️菜脯都係老闆娘自己炒，切得夠幼細，又不失咬口，好有辣勁，必試！ 飲品跟餐$8起，‼️推薦‼袋裝手工豆漿，無糖豆味香濃，超正嘅嘅健康之選！😎🔸咖喱四寶（$59）‼️推薦‼經典組合有魷魚🦑、魚蛋、牛柏葉及牛腩， 自家調配咖喱汁濃稠入味，香濃嘅香料味，辣勁適中，一試難忘～☺️魷魚新鮮，魚蛋爽彈，牛柏葉及牛腩沾滿醬汁，好正！🤤 🔹椒絲腐乳通菜（$16）‼️推薦‼份量都幾多，新鮮爽脆，椒絲腐乳鹹香惹味！😎 地址：一喜車仔麵 (土瓜灣)土瓜灣北帝街31號地舖營業時間：星期一至日：11:30-21:30
