好多時食拉麵都只係得🐷豚肉拉麵揀，不過「金鶴拉麵」就有好多選擇， 除咗有【招牌】雞白湯拉麵外，仲有牡蠣🦪、龍蝦🦞、蟹🦀️、醬油、鹽味等選擇，點擊圖片放大 梗有一款啱你口味。😂⭐️推薦❗【招牌】極濃雞白湯拉麵($138) 上菜嘅時候見到呈奶白色湯底起晒泡，原來係特色黎架，內有乾坤！😂湯底由🇯🇵東京空運直送，以日本赤雞、素菜、鰹魚等熬製而成，上枱之前用攪拌器打至柔滑起泡～😎 所以湯底濃郁香滑，入口鮮甜，骨膠原感十足！麵條爽滑又掛湯， 炸牛蒡可蘸一蘸湯汁食，就咁食都得，夠晒香脆可口，配上慢煮日本薩摩赤雞胸和火炙黑豚肉叉燒，赤雞肉柔軟嫩滑， 叉燒唔會太肥，肉質鬆化，入口即溶，溏心蛋雖然唔係好流心，但勝在蛋香。👍🏻 小妹就最鍾意❤️重口味！所以揀咗黑蒜醬油拉麵（$98）烏黑色嘅黑蒜油浮在拉麵表面，味道濃而不膩，同樣地配上慢煮日本薩摩赤雞胸和火炙黑豚肉叉燒，加上黑木耳絲、蔥花、紫菜等配料，重口之選！ 日式餃子🥟（$38/4件）煎得金黃香脆，餃子皮唔會太厚，菜肉內餡飽滿紮實，可以一試。 令我覺得最貼心嘅係，拉麵仲可以改為素食選項！💕點擊圖片放大 地址：金鶴拉麵 (利民大廈) (旺角)旺角通菜街110號利民大廈地舖營業時間：星期一至日：12:00-16:00，17:30-02:00
