小編最鍾意食🌶️辣野,有次喺鰂魚涌返工嘅朋友帶左我去一間隱世川菜小店—「紅館」, 除咗主打瓦煲酸菜魚、水煮之外,仲有其他撚手小菜和湯麵等,真係辣得好過癮!😎可能係🇭🇰香港最好食嘅川菜~平日仲有午市套餐,係鰂魚涌返工嘅朋友真係有口福! ⭐️推薦❗四川椒麻雞($108/半隻)蔥花和薑蓉覆蓋整隻雞~雞件幾厚肉,秘製醬汁以四川辣椒和花椒製成, 👅 麻香十足,好惹味! ⭐️推薦❗麻婆豆腐配牛肉($118)正宗嘅麻婆豆腐係以牛絞肉製成,而店家則採用大大塊牛肉片製作,感覺更實在,口感更有層次,配上軟滑豆腐,鹹辣麻香,送飯一流!😎😎 ⭐️推薦❗爽蝦紅油抄手($36/3粒) 自家包製嘅抄手,好大粒!😳有原隻鮮蝦係裏面,肉嫩鮮美!配上香辣濃香嘅醬汁,好惹味~ ⭐️推薦❗重慶酸辣粉($69)湯底好香麻辣味,加上切粒肥豬肉、酸菜、花生、香蔥等,油香四溢,薯粉口感Q彈,吸晒湯底嘅精華,每啖都辣得好過癮! 晚市6點後,青島啤酒($42)和朝日Asahi($49)都做緊買一送一優惠, 戰鬥碗飲啤酒🍻夠晒Chill!😎點擊圖片放大 +3 地址:紅館 (海堤街) (鰂魚涌)鰂魚涌海堤街18-22號地下D10號舖營業時間:星期一至五:12:00-15:00,18:00-21:00星期六、日休息