原來九龍城開左間幾高質嘅🇯🇵居酒屋🏮—「泫居酒屋」!😳 主打不同種類的居酒屋美食:刺身、壽司、串燒等。 🦑櫻花魷魚($58)粉紅色的飛魚籽微甜爽脆,配上嫩滑爽彈嘅厚切魷魚條,口感豐富有層次,作為前菜美味開胃~☺️ 🥗松葉蟹肉蟹籽沙律($88)蟹籽沙律加上鮮松葉蟹肉嘅點綴,味道更鮮香,口感更豐富。 刺身吧檯前有當日日本🇯🇵直送嘅水產,選擇都算多,價目表明碼實價。 經店家介紹之下, 我地揀左條🐟花笛鯛ハナフエダイ($488)⭐️推薦❗, 晚春嘅時候就係最佳賞味期,☺️先將花笛鯛切片做刺身,食完刺身之後可用其魚骨煲湯,一魚二食!笛鯛魚肉晶凝通透,脂肪豐腴,口味鮮甜, 蘸上店家特製酸汁,加左辣蘿蔔及香蔥,更能提鮮~☺️乳白色嘅魚湯,味道一啲都唔腥,仲好鮮味, 海帶、日本油豆腐皮吸晒魚湯嘅精華,正! 日本青椒仔($36)燒得好香口,加左木魚絲嘅點綴,味道和口感都很豐富。 單骨雞中翼($36)燒至皮脆肉滑,又方便食肉。蘆筍豚肉卷($42)薄薄嘅豚肉片包着脆嫩嘅蘆筍,配搭清爽。 ⭐️推薦❗日本甜薯($28)烤甜薯食得多,不過今次係食過最好食!🥰食得出師傅用左好多心機反覆燒烤,同埋搽左好多層蜜糖係面,令到甜薯外皮燒得香脆可口。最後叫左個日式海蝦炒烏冬($118)作為總結,係用左稻庭烏冬!炒得幾乾爽,又保持應有嘅滑溜和彈性,傳統醬油和味醂嘅味道, 海蝦個頭大,有4大隻,肉質爽彈, 看似平平無奇,但從一個炒烏冬就睇得出師傅功架和餐廳嘅用心。⭐️推薦❗點擊圖片放大 +2 地址:泫居酒屋 (九龍城)九龍城太子道西426號地舖營業時間:星期一至日:12:00-15:00,18:00-23:00