最近發現旺角雅蘭中心開左間川菜，主打花椒魚頭鍋、辣炒雞、酸菜魚和地道小食湘味串串，點擊圖片放大 +2 見佢openrice做緊優惠，19:30前結帳離座可享火鍋配料8折優惠，咁啱又係公司附近，收工就同同事去試吓啦～😏 餐廳裝潢以太空為主題，加入港式韻味霓虹燈，感覺型格時尚。😎 ⭐️推薦❗湖南辣椒炒雞（$198）有別於一般的雞煲，店家介紹左一個獨特嘅食法『吃煲三步曲』——首先，以30秒快炒方式炒勻鍋內食物，並率先品嚐雞肉後， 隨後加入美國肥牛片或西班牙黑毛豬肉片，最後再加入少量清湯或啤酒作為火鍋湯底，配合不同火鍋配料一起品嚐。 鍋裏有雞件、白木耳和海量青椒！😆加上自家調配嘅醬汁，雞肉嫩滑入味， 不過如果可以辣返啲就更惹味啦！😂平時唔鍾意食青椒嘅草青味嘅話，都可以試下呢種青椒🫑，因為真係冇左個種令人難受嘅味道。食完雞之後，就可以加湯打邊爐啦～☺️⭐️推薦❗西班牙黑毛豬（$168）份量絕對對得住價錢！😎一份有14片之多，而且肉香味美。 大扇貝（$68/4隻）呢個價錢好抵食！每一顆都比手掌心還大，肉質鮮美！👍🏻 小編平時唔鍾意食丸，不過小妹就最鍾意，所以明晒啦！🤭不過今次嘅牛丸水準確實好高！⭐️推薦❗極鮮牛肉丸（$48/4粒）一咬開就爆晒汁，口感佳！ 鮮腐竹（$38）吸晒湯汁嘅精華，正！ 紅薯粉條（$28）口感有啲腍，唔係好煙韌！ ⭐️推薦❗脆炸小酥肉（$58）即叫即炸，外酥內嫩，佐酒一流！🤤小酥肉皮薄而酥脆，最精粹嘅係每一件小酥肉都沾上辣椒粉，好惹味！😎 ⭐️推薦❗紅糖糍粑（$48）炸得金黃，外層香脆，內裏超煙韌～淋上黑糖醬吃好滋味。☺️一定會返黎encore 糍粑！😎 地址：花椒子 (旺角)旺角彌敦道639號雅蘭中心地庫B102號營業時間：星期一至四、日：17:00-00:00星期五至六：17:00-01:00
