終於有機會去到尖沙咀人氣打卡餐廳—「KABOOM」啦～☺️ 餐廳佔地兩層，有個20樓層高嘅空中花園，用餐時可以飽覽維港景色，下層則是室內用餐區，有落地大玻璃，空間感十足，同樣擁有開揚景致。 大家一定book左位先去呀！當日平日6點半去到都已經爆晒場！🥹餐廳裝潢幾有心思～天花蓋滿長竹枝，搭配藤椅和木桌，尤如置身於峇里海邊酒吧～☺️ 餐廳主打融合西式及東南亞美食，沙律、串燒、意粉等都有。 ⭐️推薦❗ Crab Bao Bao（$118）鬆軟嘅刈包夾住原隻酥炸軟殼蟹🦀，配上墨西哥🇲🇽 青辣椒和椰菜絲，微辣又有口感！☺️ ⭐️推薦❗ Deep Sea Tacos（$118）一份有三件，價錢都算合理。 脆到好似薯片嘅Tacos！配上微辣惹味、爽口彈牙嘅雞尾酒蝦及菜蔬，加上新鮮三文魚籽嘅點綴， 賣相色彩鮮艷，鹹鮮味美。⭐️推薦❗ Tong Yum Gong Risotto（$258） 海鮮非常足料和新鮮！😎有原隻酥炸軟殼蟹、虎蝦和帶子，Risotto煮得剛好，軟硬適中，冬陰公味酸辣開胃，食極都停唔到口～🤣 ⭐️推薦❗ Chargrilled Beef Strips（$308）炭燒牛扒賣相呈炭燒格仔紋，外皮散發陣陣嘅煙燻香，我地order左medium rare，熟成度拿捏得剛好，牛味香濃，食落好juicy，唔洗蘸醬汁，原汁原味都已經好正！🤤伴碟嘅烤蔬果一齊食新鮮爽脆。☺️ 餐廳酒吧供應特色雞尾酒，除咗有造型：浴缸、竹盤、椰子、紙遮仔，啱晒打卡！連名字都好貼地有趣。🤭 Kaboom （HH$118，REG$138）菠蘿🍍杯造型，以獨特手法演繹奶茶雞尾酒， 採用大吉嶺紅茶調配而成嘅奶茶，加左whiskey、brulee liqueur， 同奶茶味道好夾！☺️面頭仲加左層由香草味煉奶製作而成嘅奶蓋，入口好幼滑～剛好我哋去嗰日係星期一，所以就叫咗呢杯Cocktails～🤣Every Day Feels Like A Monday! （HH$108，REG$128）清澈透明嘅海藍色， 以Gin及Prosecco做酒底，加上日本柚子汁和青蘋果，味道微甜清爽，飲完即刻好豁然開朗～唔再係Monday😂整體來說，「KABOOM」食物質素高，價錢合理，雞尾酒🍹有特色，下次一定再encore試吓其他口味，以後又多一個 Happy Hour 好去處！😏點擊圖片放大 地址：KABOOM (尖沙咀)尖沙咀北京道12A號太子集團中心20樓營業時間：星期一至三、日：12:00-00:00星期四至六：12:00-02:00
