大角咀真係越嚟越多好野食！🥰上次上完yoga之後，見到有間西餐廳🍴—「RuRu Tapas Restaurant 」係附近，睇落幾好，就入去試下啦，果然唔錯喎！😎點擊圖片放大 +2 ⭐️推薦❗金槍魚他他Tuna Tarter（$168）平時啲他他就只係切粒，然後一層層疊上去，不過呢度嘅金槍魚他他比較特別，金槍魚切粒，用青瓜粒、自家製微辣惹味嘅醬汁預先拌勻和調味，面頭再用油浸鯷魚圍住，賣相更精美，味道更豐富！ 金槍魚肉嫩無筋，鮮甜味美，配上火箭菜、法包🥖一齊食，好開胃！ 西班牙辣椒仔 Padrón Peppers （$88）雖然叫做辣椒仔，其實係唔辣嘅！😂辣椒仔係西班牙嘅經典小食，只係用上海鹽簡單嘅調味，襯托出辣椒仔嘅鮮甜，佐酒一流！ ⭐️推薦❗紅蝦意大利麵 Red Prawn Pasta（$188） 每條意粉掛滿紅蝦汁， 加上籚筍、蕃茄仔、彩椒等，更添口感。紅蝦雖然唔係好大隻，但勝在肉質鮮甜。 ⭐️推薦❗西班牙燒乳豬 Spanish Roast Suckling Pig (Cochinillo Asado) （$288/Reg）Regular份量兩三個人share都夠食，乳豬幾厚肉，肉質嫩滑多汁，肉香味美，配上蘋果蓉，味道更清香！☺️順帶一提，半隻燒乳豬係會原整乳豬半隻連頭上枱，勁chill！😎下次有機會同多啲朋友一齊黎試下。 Hennessy Sunset（$98）Hennessy V.S.O.P 加上青檸汁和梳打水，味道香濃清新，龍舌蘭蜜嘅點綴完美呈現出sunset嘅感覺～😌 Around the World（$98）比起Long Island Iced Tea 中的4大基酒：Rum、Gin、Vodka、Tequila，仲加埋Brandy、Whisky，因為溝埋青檸汁、菠蘿汁，酒勁強，但好易入口。 地址: RuRu Tapas Restaurant (大角咀)大角咀杉樹街11號德安樓地下1號舖營業時間：星期一至五：16:00-2:00星期六：12:00-2:00星期日及公眾假期：12:00-22:00
