今年小編年尾都有job，飛唔到歐洲，🥲唯有去尖沙咀吃頓正宗🇳🇱荷蘭菜，食咗當去咗轉荷蘭！🥹門外簡單一幅演繹荷蘭畫家梵高嘅「向日葵」🌻，就已經足夠🇳🇱代表性～ 甫入門，「向日葵」與周圍擺放嘅🌻鮮花互相呼應，餐廳裝潢瑰麗堂皇，散發著優雅嘅神秘感，天花掛着優美雅緻嘅水晶燈及簾子，咁有情調，啱晒慶祝周年紀念日或三五知己聚餐，私密度高！☺️點擊圖片放大 另一邊廂，牆上掛著由本地藝術家演繹嘅畫作，充滿歐陸風情～餐桌上更擺放着最代表🇳🇱風情嘅鬱金香🌷和小風車，完全置身於荷蘭一般～☺️☺️☺️餐廳有個廚師發板嘅套餐—荷蘭之旅經典菜單 The Tour in Holland，6道菜起，可以一次過試晒所有荷蘭美食～頭盤先上個地道荷蘭小食： ⭐️推薦❗ Handmade Amsterdam Beef Bitterballen 自家製阿姆斯特丹脆炸牛肉丸外皮炸脆，咬開裏面係流心質地，好juicy～用牛尾熬製而成嘅牛尾湯，拌入牛尾肉，肉香味美。😋🔸Frikandel Pasta 炸荷蘭麵賣相和炸牛肉丸很相似，店家介紹係一道全新全素嘅菜式，用蕃茄醬烹調過嘅荷蘭麵，意想不到美味嘅素食。😏 ⭐️推薦❗ Frikandel Sausage Special 荷蘭香腸配洋蔥🧅咖哩蛋黃醬街知巷聞嘅🇳🇱荷蘭地道小食！用雞肉同豬肉混合而成嘅荷蘭香腸，去除了腸衣，煎香後切開，拌入特色洋蔥🧅咖哩蛋黃醬 ，香腸啖啖肉香，重口味得黎，勁好食！🤤 🔸Dutch Cheese & Ham Croquette荷蘭炸芝士混合了荷蘭芝士和火腿嘅炸可樂餅，芝士控必試！⭐️推薦❗Traditional Dutch Mussels Pot 荷蘭傳統青口鍋採用荷蘭直送青口，連青口煲亦都係由荷蘭直送到港！😳好有地道風味！青口原煲上陣，蓋着煲蓋搖一搖，打開蓋就食得～😂煲蓋可以用嚟放青口殼。 青口以各款蔬菜如西芹、紅蘿蔔、洋蔥等，和白酒烹調而成嘅湯汁，肉質厚而爽，保留了海水嘅鹹鮮，超正！🤤👍🏻配上牛油蒜蓉焗拖鞋包一起吃，吸盡了湯汁嘅精華，正！☺️ 荷蘭煙燻魚十分出名，所以店家就推薦煙燻時令鯖魚～⭐️推薦❗ Oak Smoked Mackerel 橡木煙燻鯖魚 店員勁貼心咁比我地影完相打卡之後，即場為我地幫鯖魚拆肉～🥰🥰 鯖魚夠大條，3-4人分享都可以，煙燻後嘅鯖魚非常香，食完之後，成個鼻、口腔都縈繞着煙燻嘅香氣～鯖魚肉質香滑有彈性，就咁食可能會覺得有點膩，可以配上酸瓜、洋蔥、香蒜、車厘茄等一起吃，又係拖鞋包出場嘅時候啦！加上蛋黃醬或芥末醬，更是另一番風味～佐酒也是一流呢！😎 2020 ᴛʀᴀᴘɪᴄʜᴇ ᴏᴀᴋ ᴄᴀsᴋ ᴄʜᴀʀᴅᴏɴɴᴀʏ, ᴍᴇɴᴅᴏᴢᴀ, ɴᴇᴡ ᴢᴇᴀʟᴀɴᴅ ($70/ɢʟᴀss) ɴᴏsᴇ/ᴘᴀʟᴀᴛᴇ: ᴀᴘᴘʟᴇ, ᴘᴇᴀʀ, ᴛᴏᴀsᴛᴇᴅ ʙʀᴇᴀᴅᴛᴀsᴛɪɴɢ ɴᴏᴛᴇ: ʟᴏᴡ ᴀᴄɪᴅɪᴛʏ, ʟɪɢʜᴛ-ᴍᴇᴅɪᴜᴍ ʙᴏᴅɪᴇᴅ, ɴᴏᴛɪᴄᴇᴀʙʟᴇ ᴏᴀᴋᴇᴅ，sᴍᴏᴏᴛʜ ，$70/杯，性價比高！😎ᴡɪɴᴇ ᴘᴀɪʀɪɴɢ：搭配魚肉 ⭐️推薦❗30 days Dry Aged US Prime Black Angus Ribeye 30天乾式熟成美國黑安格斯上等肉眼牛扒 用上30日風乾熟成嘅黑安格斯牛扒，比Prime級更強肉味！肉味濃而不膩，肉質軟滑，帶獨特嘅熟成風味，牛魔王必試！🤤 🔸Dutch Fries Special 荷蘭粗薯配咖喱蛋黃醬薯條🍟採用荷蘭薯仔，自家製手切非常粗身，炸到外脆內軟，薯肉飽滿～配上地道荷蘭醬—洋蔥🧅蛋黃咖喱蕃茄醬，簡單而味美！ 最後以Homemade Apple Crumble Pies 自家製蘋果批作這頓晚餐完美嘅總結～☺️ 蘋果批一上枱已經聞到超香玉桂味，玉桂蘋果批熱辣辣，而且甜道適中，食完一啖蘋果批，再配一啖雲呢拿雪糕，冰火交融，勁正！雪糕上面仲放有荷蘭餅，荷蘭餅入面夾着糖漿，食落好似麥芽糖餅咁～ 整體來說，「Dutch House」環境優雅舒適，食物質素相當出色，佢地嘅Chef’s Menu Omakase神秘得黎，又可以tailor-made，啱晒約會、慶祝生日或周年紀念～😊點擊圖片放大 +3 地址：The Dutch House Restaurant (尖沙咀)尖沙咀廣東道116-120號海威商業中心16樓營業時間：星期一至日：12:00-00:00
