去尖沙咀飲嘢，大家可能第一下就會諗起諾士佛臺， 不過最近尖沙咀多咗個新蒲點—就係位於尖東嘅「九龍城寨」～ 「九龍城寨」地理位置都算容易搵， 就係科學館對面～😏 打着「九龍城寨」嘅旗號， 顧名思義，酒吧嘅裝潢都係仿九龍城寨昔日嘅模樣～ 一出𨋢就好似返左幾十年前嘅香港咁， 酒吧設有多個打卡位， 點擊圖片放大 門前必拍嘅霓虹燈、各種舊式招牌，仲有「飯戲攻心」見到嘅一對鳳凰招牌😂，好正！😎 除左有Shisha之外， 仲有一系列香港🇭🇰主題嘅雞尾酒和懷舊小食如煎釀三寶、奶油多、沙嗲牛肉麵、撈冷麵～ 點擊圖片放大 🌞夏日傾情（$788） 包同款水果口味嘅Shisha + Fruit Head Set， 有3款不同口味選擇：蜜瓜冰🍈、西瓜冰🍉或菠蘿冰🍍， 小編order左菠蘿冰🍍， Shisha入口菠蘿味勁香，除咗菠蘿嘅香甜，仲食到芒果同薄荷嘅清香，感覺好refreshing， 再食返件菠蘿🍍，perfect match！😎 ⭐️推薦❗英殖鳳梨茶（$128） 由 Gin、Earl grey、Pineapple、Sour Apple 調配而成， 面頭放咗塊菠蘿乾和八角，賣相好優雅～ Bartender 介紹可以就咁飲，😂 入口會比較Fruity d， 如果想重口啲，可以將八角浸埋落去， 咁就會gentleman d～伯爵茶嘅層次感更突出。😎 ⭐️推薦❗大力特飲（$128） 由益力多、Vodka、Peach、Orange調配而成， 好精緻咁用益力多樽載住，加上「你今日飲咗未」嘅經典金句，啱晒打卡～ 味道相當容易入口，啱晒女士～ 地址： 九龍城寨 (尖沙咀) 尖沙咀漆咸道南115號達成商業大廈2樓
