公司附近有間餐廳成日都人山人海，好多人喺門口等入座同外賣嘅車仔麵—「賞麵」今日終於比我食到你喇～點擊圖片放大 +2 同同事一人叫咗碗麵再叫咗兩個小食😋 同事叫左自選三餸車仔麵（$48）湯底：惹味麻辣湯底個湯底幾正，麻麻辣辣好頂癮🤣 餸：惹味豬紅、炸年糕麻吉燒、陳皮魚蛋魚蛋同麻吉燒就係平時打邊爐個啲貨仔，豬紅幾嫩口，仲有少少韌性。 大食小妹叫左特選車仔麵餐（$55）湯底：黑蒜油豬骨湯 跟餐嘅餸：瑞士雞翼、糖心蛋、扎肉、生菜另外仲加咗豬骨湯貢丸（+$10）～☺️瑞士雞翼因為浸咗湯所以冇咁濃味，不過亦都係甜甜地～反而個糖心蛋夠入味，又夠流心😊 小食方面，叫咗滋味蜜糖燒賣（$20）和鮮炸肉春卷（$22）。⭐️推薦❗滋味蜜糖燒賣（$20）一份有八粒，燒賣炸到好脆，亦都真係食得出係魚肉燒賣，唔係一舊粉嗰隻！配上蜜糖更令人回味無窮～ ⭐️推薦❗鮮炸魚肉春卷（$22）更令人驚艷 外層嘅腐竹炸得夠鬆脆，魚肉餡餡料十足，彈牙爽口，成條春卷好飽滿！☺️ 叫一碗車仔麵，可以跟餐加配飲品～$8起，都算合理。⭐️推薦❗懷舊紅豆冰（原價$28）（跟餐+$10）紅豆份量都幾多，口感綿密，很有層次。 ⭐️推薦❗酷脆火山阿華田（原價$28）（跟餐+ $8）阿華田夠濃，加埋阿華田脆脆，味道足，又有咬口，真係好滿足🥰～ 📝溫馨提示：大家如果覺得味道唔夠重口可以加上餐廳嘅自製菜脯甜甜辣辣好開胃～😜 而家車仔麵外賣仲做緊85折優惠～齊心抗疫！💪🏻 地址：賞麵 (荔枝角)荔枝角青山道514號地舖營業時間：星期一至六：7:15-20:00星期日休息公眾假期：7:15-16:00
