🧞♂️I can show you the world～ 最近旺角新開左一間主打和牛日式燒肉放題店—「神燈燒」， 價錢$228/位起，就可以享用超過80款食物， 更有早鳥（14:30-19:00）和夜貓時段（21:00-23:00）優惠，最平$188/位， 非常抵食！😳 餐廳以神燈為主題， 由門口外牆至餐廳內， 都可以見到阿拉丁、燈神及茉莉公主嘅蹤影～ 點擊圖片放大 +5 餐桌椅用上色彩繽紛嘅黃藍綠三色， 每個座位上更掛有異國風情嘅吊燈，完全切合神燈嘅主題。😎 餐廳環境好闊落，座位舒適， 食客可scan QR code落單，方便快捷！ 送餐或執枱都好快手，仲有機械人送餐車～ 因為靚肉如日本A4和牛上枱嘅時候都係冇落任何調味， 所以每張枱上都會有原樽粉紅鹽，比食客自己調味～ 燒肉放題價錢分5種： $228（Level 1） （80款食物）有齊豬肉、牛肉、雞肉，全部自家醃製，還有丸類、前菜、沙律、炸物、熱食、甜品、飲品； $298（Level 2） （80+45=125款食物）另加美國牛肉、魚生丼、壽司🍣、特色小食、特色飲品； $388（Level 3）（125+41=166款食物）再加美國安格斯牛肉、黑毛豬、刺身、水產、串燒、生果、啤酒🍻； $468 （Level 4）（166+20=186款食物）可以品嘗到澳洲和牛、頂級Prime牛肉、升級刺身、升級水產、燉湯； $628（Level 5）（186+14=200款食物）仲可以食到海膽杯、日本和牛、任飲紅酒、清酒、韓國燒酒。 我哋揀咗level 4，因為比佢個澳洲和牛、頂級Prime牛肉吸引左！😆 📝值得一提的是， 原本嘅燒烤爐可以加牛油紙，就冇咁容易燒燶，不過就燒得比較慢～ 不過轉網燒，個人覺得比較快而夠火候！😏 刺身選擇都幾多，有三文魚、吞拿魚、北寄貝、甜蝦、赤蝦、油甘魚、赤貝、帶子等….. ⭐️推薦❗油甘魚、 帶子 ⭐️推薦❗澳洲M7和牛牛肋肉 勁juicy又有咬口！ ⭐️推薦❗️澳洲M9和牛西冷 澳洲M9和牛為澳洲出口最高級別嘅和牛， 油花較M7多，肉質更軟滑多汁， 西冷脂肪分佈平均，肉質有彈性，肉味最濃！👍🏻 ⭐️推薦❗️澳洲M9和牛肉眼 肉質嫩滑，肥美多汁！ ⭐️推薦❗️西班牙黑毛豬五花肉 紅白相間，食落唔會好肥膩，肉汁豐腴～🤤平時唔係好鍾意食燒肉嘅小編都不斷encore！ ⭐️推薦❗美國頂級雪花牛小排 大理石紋路般嘅油花分布，入口即化，鮮甜美味～🤤 ⭐️推薦❗黑松露燒帆立貝、厚切醬燒帆立貝 兩種醬汁同帆立貝都好夾，帆立貝又夠大粒，必試！ 蒜蓉孜然燒茄子🍆 雞腎串 ⭐️推薦❗爆脆墨魚咀串 墨魚咀本身雖然冇咩味，不過超有口感，所以勁like！ ⭐️推薦❗鹽酥雞粒、椒鹽雞軟骨 全部即叫即炸，炸皮唔會太厚， 雞粒厚肉juicy、雞軟骨爽脆，佐酒一流！ ⭐️推薦❗芝士燒生蠔、蒜蓉燒生蠔 平時食生蠔🦪都好膽心，不過呢度嘅生蠔幾新鮮～所以食得好放心！😂 ⭐️推薦❗日本芝士年糕、榴槤炸彈 新鮮熱辣出爐，夠晒香脆可口！ ⭐️推薦❗迷你角切魚生丼 食唔飽，可以試下魚生丼～角切魚生夠新鮮，完全係日本餐廳質素！ 迷你極尚特濃花膠雞燉湯 燉湯好足料，濃稠滋潤～ Level 3或以上都可以任飲1664、Asahi、泰象啤、青島～🍺Cheers～ 📝食飽飽之後， 我地覺得Level 3性價比最高！😏 可以任飲啤酒，啱晒一大班人gathering啤啤佢！😆 如果有多啲budget，就一定要試下Level 4，因為多左7款高級牛肉和升級海產嘅選擇！😎 地址： 神燈燒 (旺角) 旺角彌敦道565-567號銀座廣場LG樓 營業時間： 星期一至日：12:00-22:00
