銅鑼灣都有烤魚食啦!😎最近發掘左一間新開嘅餐廳—「我要烤魚」,主打重慶麻辣烤魚和川式串燒,家庭式樸素嘅裝潢,但食物卻相當有質素!👍🏻 烤魚有4款口味,鍾意食辣嘅,除了傳統重慶麻辣口味之外,也有萬州香辣口味。唔食得辣嘅,可以揀重慶豆豉、川式孜然口味。魚可以揀鱸魚或清江魚,如果唔想咁多骨嘅可以揀鱸魚~😼 我哋揀咗重慶麻辣烤魚(小)($288),兩個人食小份啱啱好,😏魚肉鮮嫩肥厚,魚味香濃,又唔會覺得腥,都算係多肉少骨,正! 我哋仲加咗⭐️推薦❗️寬粉($28)呢種寬粉特別煙韌彈牙,吸晒啲湯汁,勁惹味,必試! 冇諗過串燒比烤魚更出色!😳⭐️推薦❗️鹽燒厚切牛舌芯($48/串)牛舌真係好厚切!😍口感爽脆有嚼勁,香味醇厚! ⭐️推薦❗️香燒豬頸肉($18/串)燒豬頸肉軟嫩多汁,配上泰式酸辣醬汁,好味!😋 惹味雞腎($24/串)雞腎好有咬口,而且好入味,值得一試! ⭐️推薦❗️惹味韭菜($20/串)燒韭菜配上秘製麻辣汁和孜然粉,好惹味~ ⭐️推薦❗️麻辣墨魚頭($18/串)食咗咁多串串燒,呢串係最辣。😂墨魚頭好爽口,嗜辣嘅foodie必試! 香辣土豆片($20/串)土豆片🥔烤得很脆,同時又保持着水份,不錯吃! 雞泡魚乾($38/份)好大份,佐酒必食! ⭐️推薦❗️爆蒜燒蠔($68/4隻)燒蠔都幾大隻,加上超多蒜,蠔肉肥美多汁,性價比高! ⭐️推薦❗️香燒原條麻辣茄子🍆($38)原條茄子有成個烤盤咁長!好誇張!超級無敵抵食!😍店家將蒜蓉鋪滿整條茄子,加上孜然粉等調味,好入味!🤤🤤 ⭐️推薦❗️焦糖燒菠蘿🍍($18)燒菠蘿香甜多汁,淋上焦糖醬,再冰一冰佢,就形成焦糖脆片,一定要encore! 日本🇯🇵沖繩Orion生啤(500ml)($48/杯)食辣嘢同串燒,飲杯啤酒🍻就最夾!新張期間,仲做緊買一送一,激抵!😎😎 地址:我要烤魚 (銅鑼灣)銅鑼灣耀華街3號百樂中心8樓營業時間:星期一至日:12:00-00:00