「劉一手」終於係九龍塘又一城捲土重來！🎊之前去過銅鑼灣分店之後，一直都念念不忘佢嘅黑糖糍粑～🥰🥰而家終於可以再回味下啦～點擊圖片放大 +5 食正宗嘅川式麻辣火鍋，一定要調配返個油碟醬料！先注入自家品牌嘅油碟（即麻油）， 再混入葱、炸蒜粒、辣椒、豉油、香醋等醬料，重口味得黎又夠晒惹味！😏 「劉一手」除了有招牌重慶麻辣湯底外，仲有多款唔辣嘅湯底，包括滋潤椰子雞湯、養生滋補花膠螺頭燉雞湯 、皮蛋芫茜湯、老壇酸菜魚湯等，鴛鴦鍋/奔馳鍋（三款湯底）就可以一次過滿足晒所有願望～😎一手辣方紅油麻辣紅油湯底用左牛油脂肪、郫縣豆瓣醬、永州豆豉、貢椒、二荊條、漢源花椒，以及10多種中藥材香料炮製而成， 有4種程度嘅辣度可以揀，迎合不同客人嘅口味，我地揀左一隻辣椒🌶️，湯底紅亮溫潤，香味醇厚，麻中帶辣，辣勁越食越出🔥！ 另外我地仲叫左椰子雞湯，湯頭都幾滋潤，雞件厚肉，嫩滑多汁。 🌟推薦❗️劉一手招牌牛肉四重奏牛魔王必點！有齊A4 鹿兒島和牛三角腩、A4鹿兒島和牛肩、A4鹿兒島和牛肉眼上蓋和美國肩胛脊肉，上枱時用上直立式拼盤，將每塊牛肉反地心吸力地舖在木盤上，打卡一流！😎 所有牛肉都係靚牛，肉味香濃，肥瘦適中，完全唔需要蘸醬汁，原汁原味都已經好正，絕對係必食推介！ 和牛三角腩油脂非常豐富，入口即化～肉眼上蓋嘅脂肪分佈均勻，有著大理石紋，肉汁飽滿，肉質滑嫩～美國牛肩胛脂肪最少，帶少許筋位較有咬口，勝在肉味濃郁。🌟推薦❗️一手醬油醃製豬肉片($118)黑毛豬五花腩以特製方式處理，有啲似風乾過嘅火腿，令醬油醃得更入味， 小編平時唔係好鍾意食豬肉都覺得好食，但呢個豬肉片油脂分布平均，份量十足，值得encore！ 明太子墨魚滑（$99）手打墨魚滑爽彈鮮甜，加上明太子嘅點綴口感十足，值得一試！👍🏻 丸丸拼盤（$88）Share食啱啱好，可以一次過試晒5款特色丸，有爽口魚蛋、龍蝦沙律丸、手打牛筋丸、正宗香菇貢丸、墨汁花枝丸， 個人比較欣賞牛筋丸和香菇貢丸，味道較出眾～田園蔬菜拼盤（$128）色彩繽紛，賣相吸引，菇菌蔬菜都有！ 除了火鍋外，仲有多款特色重慶風味小食，如炸酥肉、炸魷魚、麻辣涼拌土豆絲、麻辣醉雞等。🌟推薦❗️黑糖糍粑（$68）炸得金黃，外層香脆，內裏煙韌，淋上黑糖醬吃好滋味。😍😍 飲品除左有涼茶、汽水之外，仲有各式各樣嘅台式特飲，如鮮果冰粉茶、珍珠奶茶等⋯⋯珍珠奶綠（$42）和黑糖珍珠奶（$42）食完一輪辣嘢，飲番杯珍珠奶茶gur下，冰凍解辣，正！😌 同埋我地見到每枱都飲緊生啤，梗係唔可以錯過啦！$78/500ml 生啤上面有個雪糕🍦型嘅泡沫，原來係啤酒味嘅沙冰，消暑解渴！另外，「劉一手」有做午市火鍋套餐，有重慶一人小鍋麵、川渝風刺身丼飯，及午市火鍋套餐，都只係$68起，仲包飲品，相當不錯喔！😉 地址：劉一手重慶火鍋 (又一城) (九龍塘)九龍塘達之路80號又一城UG樓37-38號舖營業時間：星期一至日：11:00-23:00
