去開旺角勝利道寵物街買嘢，見到有間米線好多人排隊食，😳米線控嘅小妹梗係要試吓啦！😏 呢度嘅米線有五款套餐，有招牌沙嗲屋村三寶（豬皮、牛栢葉、魷魚）、墨魚春卷、自家製手打牛丸、黃沙豬潤、肥牛，或者可以叫三餸米線起，加$4就有杯野飲，價錢都算合理。 三餸米線餐（$52）酸辣（少少辣）腩肉、雞中翼、貢丸 鍾意❤️呢度嘅湯底夠酸，湯底又唔會油，少少辣都夠晒惹味！😏米線比平時食到嘅米線更幼細，口感更煙韌！ 貢丸好食，有一絲絲咬口，肉香味美～☺️ 雞中翼比較細隻，味道普通， 腩肉爽口，值得一試！ 黃沙豬潤米線（$52）麻辣（少辣）加魷魚🦑（+$9） 麻辣湯底嘅辣味獨一無二，一啲都唔油，但辣度卻十足！🌶豬潤鮮嫩，魷魚爽彈～點擊圖片放大 炸物拼盤（$48）拼盤有炸燒賣、墨魚春卷、炸墨魚丸， 🌟推薦❗️ 炸墨魚丸彈牙！🌟推薦❗️炸燒賣食落感覺似係雞肉燒賣，好有咬口，🌟推薦❗️墨魚🦑春卷外皮薄而脆，仲有粒粒墨魚粒，咬口十足！😋 地址：占占酸辣米線 (旺角)旺角勝利道16號地下B號舖營業時間：星期一至六：11:00-21:00星期日休息
