近年爆餡吐司掀起熱潮，成為人氣美食～☺️香脆厚吐司，配搭各款豐富配料和風味醬汁，爆餡吐司打卡滿分💯！😏點擊圖片放大 +3 香港🇭🇰本地品牌三文治專門店「HAND3AG」，主打各款創新配搭鐵板三文治，以日式鐵板燒嘅方式將麵包烘至金黃鬆脆，三文治🥪好大份，配料佔三分二！性價比高！三文治用紙包好，方便拎住食用，外賣就啱晒！而家仲有二人套餐和外賣自取優惠。 蝦兵蟹將鐵板三文治（$65） 顧名思義，當然有蝦有蟹啦！😂三文治好足料！有原隻炸軟殼蟹，小龍蝦沙律啖啖龍蝦肉，配上甘藍菜沙律、青瓜、羅馬生菜、他他醬和俄式蛋黃醬，味道豐富，層次分明，不過略嫌整體嘅味道唔係好夾，醬汁整體有點酸，同清甜嘅小龍蝦沙律唔係好夾。 🌟推薦❗️慢調撕理食肉獸鐵板三文治（$62） 厚厚一層嘅慢煮手撕豚肉，勁足料！豚肉軟腍入味，配上原塊車打芝士，好邪惡！😳😳😳好彩有甘藍菜沙律、蕃茄和羅馬生菜balance返，加上香脆嘅炸洋蔥圈，配上焦糖洋蔥蛋黃醬和芥末籽蛋黃醬，相輔相成，不錯吃！👍🏻 除左鐵板三文治，仲有多款特色小食供應。🌟推薦❗️辣味脆雞粒（$32）雞粒即叫即炸，內裏肉質嫩滑多汁，值得encore！ 🌟推薦❗️脆炸魷魚配士拉差蛋黃醬（$32）炸皮夠薄，魷魚肉厚，爽口彈牙，配上蛋黃醬，好惹味！佐酒一流！蜂蜜檸檬特飲（$38）蜂蜜檸檬加梳打，幾refreshing～ 粒粒蜜桃檸檬特飲（$38）酸酸甜甜嘅蜜桃檸檬梳打，仲有粒粒蜜桃肉喺裏面。地址：HAND3AG (旺角)旺角亞皆老街8號朗豪坊B2層26-27號舖
