係公司附近，見到有一家新開嘅潮州菜館，平時食潮州菜，打冷就食得多，午餐食潮州菜，真係第一次！ 潮洲菜午餐係食咩架呢？菜單上食物款式不多，有腸粉、海豐小米（外皮係粉果皮，內餡係大地魚溝豬肉，味道真係有啲似魚皮餃）、扁實（潮式雲吞），還有飯、粉麵等。 甫入餐廳，老闆娘就話今日有菜茶，原來菜茶唔係菜單上，係隱藏菜式，只係星期三、六先會有㗎！所以就叫咗一份～菜茶是汕尾的傳統小吃，屬於節日食品，以前傳統節日「男丁節」，只要有人家裏添了男丁，來年的這個時間就會製作菜茶來宴請親朋好友，以表慶賀，所以菜茶又稱壯丁茶、男丁茶。菜茶裏有各式各樣的素菜如白菜、生菜，加上蝦米、臘腸、魷魚、粟米、粉絲、豬肉等炒製而成，淋上上湯，灑上花生、炒米（脆米），就大功告成了，口感確實很豐富，不過味道就見仁見智，最重要其實係粉絲好少，唔會食得飽，個人來說，$4x一碗菜茶配一杯嘢飲，唔係好抵食。 地址：潮滋味（九龍城）九龍城獅子石道15號地舖
