曾經在香港🇭🇰掀起一股重慶雞煲熱潮，仲記得當初第一次食雞煲，我跟同事一齊山長水遠去左荃灣「來來雞煲」朝聖，當時仲要book枱先有得食，walkin等一兩個小時係基本，不過原來「來來雞煲」原班人馬，係銅鑼灣開左新店，名為「阿來客棧」。點擊圖片放大 聽銅鑼灣返工嘅朋友講，之前「阿來客棧」有做午市，仲有開業半價雞煲優惠，雖然而家午市暫停左，不過餐牌全日8折或85折優惠都好抵！☺️☺️ 除咗雞煲，其實「阿來客棧」仲有得打邊爐～之前食過酸菜魚都唔錯㗎！不過就唔係食完酸菜魚可以打邊爐嗰種。但係我地今日係為咗雞煲而黎！😏我地兩個人都好鍾意食雞，所以order左一個雞煲，🌟推薦❗馳名重慶辣雞煲（$268/隻）雞煲有辣有唔辣，任君選擇～我地揀左小辣， 「阿來客棧」嘅雞煲以四川麻辣為主，以四川花辣、湖南香椒混合以成嘅自家配方，麻香味重，採用三黃雞，雞件肥美飽滿，肉質嫩滑， 雞煲仲可以優惠價加購肥腸、廣島蠔、鮑魚、大虎蝦、花膠等，仲可以一齊煮埋先上枱，咁就夠晒入味！我地加左花膠，$68有4大件，花膠厚身嫩滑，不錯喔！😏 所有火鍋配料都有半份或全份，好似我地咁倆口子黎撐枱腳，半份半份咁叫，就可以食多啲唔同種類嘅配料！ 串串鵪鶉蛋（$25/半份）半份有兩串，有6粒鵪鶉蛋，份量都算合理！ 炸枝竹（$28/半份）枝竹同雞煲係最完美嘅配搭，枝竹吸晒雞煲嘅精華，夠晒惹味！ 好耐無返過深圳食啲特色小食，所以見到「阿來客棧」竟然有四川小酥肉，梗係要試吓啦！出乎意料之外嘅美味！😋😋🌟推薦❗ 小酥肉（$62）即叫即炸，外酥內嫩，佐酒一流！小酥肉皮薄而酥脆，最精粹嘅係每一件小酥肉都沾上花椒粒，每一啖都鮮香味美！☺️ 咁開心，梗係要用公雞碗飲藍妹，啤啤佢！🍻 地址：阿來客棧 (銅鑼灣)銅鑼灣渣甸街50號渣甸中心25樓營業時間：星期一至日：16:30-00:00
