喺上環食5 course嘅西餐,竟然人均消費唔洗$300?真係嚇到連眼眉都跌埋😦,仲要食物有返咁上下質素,性價比超高,真係極力推薦!👍🏻我今次係跟上環返工嘅地膽黎,如果唔係我朋友,我本身應該唔會自己邁出第一步去呢間西餐廳食飯😂,因為畢竟餐廳名唔係特別吸引我,不過竟然有個喜出望外嘅體驗!😆點擊圖片放大 位於上環嘅「Green Orange」,店鋪就喺地鐵站隔離,步行一分鐘便可到達,雖然係樓上鋪,但都好容易搵到!我哋入座時間大概晚上7點,當時都唔算好多人,但後來未到8點就滿座了,估唔到小店都咁爆場!仲要好多食客係訂枱嚟食或者係常客,睇嚟真係好受歡迎喎👏🏻!先說說超抵食二人套餐,只是$498,加埋一都唔洗$275/人,真係超值!點擊圖片放大 +3 如果會飲酒嘅朋友,加$58就可以要杯cocktail,唔飲真係對唔住自己,中環區飲一杯cocktail都要過百,而家無疑係買一送一,抵!👍🏻 身為酒鬼嘅我哋,梗係唔可以錯過啦!店家仲可以custom made,自己揀想要嘅口味,fruity、refreshing或strong都得,身為gentleman嘅我,梗係要揀返杯old fashion啦,雖然賣相唔係特別吸引,但味道卻是相當不錯 ,酒嘅份量也很足! 雜錦麵包好欣賞麵包上枱係熱嘅,外脆內軟,可以蘸橄欖和黑醋來吃。 22個月黑毛豬凱撒沙律黑毛豬有4,5片,沙律份量適中,仲有白酒啫喱嘅點綴,味道更清香,令凱撒沙律昇華不少。南瓜湯 雜菌湯兩個湯都好出色,小編就比較鍾意雜菌湯,因為菇菌香真係好突出! 🌟推薦❗煙燻蟹肉明太子忌廉汁闊條麵Fettuccine with smoked crab meat and cod roe cream雖然其貌不揚,但卻很有內涵~有好多蟹肉係裏面,每條闊條麵都沾滿啖啖蟹肉,適量嘅明太子亦不會蓋過蟹肉嘅鮮香,好好食😋!點擊圖片放大 🌟推薦❗美國頂級安格斯西冷牛扒 US Prime Angus Sirloin Steak西冷牛扒火候拿捏得剛好,大廚仲事先幫我地切好牛扒,Medium rare 嘅西冷表面煎得呈褐色,中間呈粉紅色,剛好3成熟!食落有炭燒香,肉味濃,油脂分佈平均,又不失咬口,唔洗蘸醬汁都好好食!點擊圖片放大 鮮芒果莎莎配雪糕熱情果汁酥皮小編最鍾意朱古力雪糕,配上酥皮和香甜可口嘅芒果莎莎一起吃,有意想不到嘅驚喜!☺️ 地址:Green Orange (上環)上環永樂街50號昌盛大廈2樓營業時間:星期一至日:12:00-15:00,18:00-22:00