上次黎過「Coti the Bistro」食lunch,今次就再黎食dinner先~不過而家門外比上次仲少左個餐牌係門口,真係越嚟越難察覺到呢間係餐廳……😂 「Coti the Bistro」 嘅lunch或dinner menu款式和價格相若,最平$78起,咁其實都幾抵呀!因為通常dinner會貴過lunch ga ma😆 另外,仲有一個較為豐富嘅一人餐,有4個course,有是日餐湯及沙律、主菜、薯條🍟、甜品,仲包一杯飲品,$218,大胃王就啱晒啦!😂 不過我同小妹都冇咁大食,所以只係嗌咗兩個套餐,套餐可配是日餐湯及蒜蓉包,是日餐湯為雜菜湯,味道不過不失啦! 上次食過手撕蟹肉牛油果他他覺得好正,本來今次想食過返尋味,點知夜晚已經賣晒啦!所以唯有試下其他啦。慢煮烤雞配霹靂葡汁、雜錦沙律($108)烤雞都幾大隻,仲要好厚肉喎!😳慢煮令雞肉熟成度剛好,肉質保持嫩滑多汁,配上源自於葡萄牙的霹靂霹靂醬汁 Piri Piri Sauce,食落辣辣地,幾惹味!點擊圖片放大 上次食過羊膝覺得好好食,今次梗係要再encore la!😏法式燉煮羊膝($128)羊膝同上次一樣都係咁大份,不過意粉就少咗,因為上次真係太大份啦,兩個人都食唔晒,今次就係一個人嘅份量~羊膝味道一啲都唔會羶,肉質炆煮得腍滑入味,柔軟多汁,配飯或意粉都適合,如果可以選配薯菜便更好!點擊圖片放大 烤棉花糖朱古力($58)棉花糖燒至外脆內軟,底下配以曲奇餅底,再加上朱古力醬的點綴,鍾意食棉花糖嘅foodie可以一試喔! 上次飲咗呢度嘅咖啡覺得唔錯,今次就試吓果茶啦!果皮冰糖檸檬🍋冷泡茶($36)陳皮冰糖燉檸檬飲得多,冷泡茶就第一次試,不過感覺幾健康,值得一試!😆 鍾意飲香甜味道嘅蜜桃茶($36)就最適合不過。 地址:Coti the Bistro (新蒲崗)新蒲崗五芳街31-33號永顯工廠大廈地下C號舖營業時間:星期一至五:8:00-21:00星期六、日:11:30-21:00