估唔到在土瓜灣這個舊區, 都會有間咁出色嘅日本🇯🇵居酒屋——「十戶」~ 話說小編在九龍城上班, 咁啱係附近食lunch, 見到有個《龍貓》公車站,寫着《七國山行十戶前》, 返唔到鄉下,黎「十戶」感受下日本風情也不錯喔!☺️ 甫入店,就見到在日本常見,縱橫交錯嘅內街和小店,真係好似去左日本咁~ 雖然開放式嘅廚房嘅配套就比較簡陋~ 如居酒屋般,「十戶」都係主打串燒, 店內供應逾30款串燒,師傅會即叫即燒~😌 點擊圖片放大 +3 第一次黎咩都想試下, 所以我地就叫左個「料理長發辦」套餐,分別為$488或$688, 有齊前菜、沙律、5款時令刺身、6款串燒、丼物或烏冬、湯品及甜品,款式不定,全由廚師發辦~ 而$688套餐就多一款日本直送燒水產, 雖然套餐冇限定要一人點一份, 不過食量大嘅話建議每人點一份! 因為丼物或烏冬都只會得一份。😆 前菜係汁燒茄子🍆 ,香甜美味~ 沙律有很多日本🇯🇵櫻花蝦作點綴,更添口感~ 時令刺身為吞拿魚腩、劍魚腩、鯛魚、活赤貝、甜蝦, 刺身都幾新鮮, 吞拿魚腩、劍魚腩都很肥美,魚油脂香, 活赤貝爽甜~🌟推薦❗ 點擊圖片放大 +3 6款串燒相當豐富,而揀選左$688套餐嘅話,日本直送燒水產就包括在其中, 有美國牛小排(原價$58)、西班牙豚腩肉(原價$48)、冬菇(原價$22)、甜番薯(原價$28)、大虎蝦(原價$62)、手燒大白鱔(原價$168), 最欣賞係西班牙豚腩肉,食落一啲都唔會嚡, 大虎蝦蝦肉彈牙,白鱔鮮嫩多汁。😋 點擊圖片放大 套餐尾聲前會有一個切角魚生飯或稻庭烏冬,和麵豉湯, 稻庭烏冬嫩滑得來,又不失咬口,不錯吃! 是日甜品為紅豆蕨餅,口感煙煙韌韌,為omakase畫上完美的句號。☺️ 順帶一提,「十戶」仲有駐場唎酒師,可即場為食客配搭清酒, 店內有供應30多款清酒, 仲可以自己揀鍾意嘅清酒杯, 我地就試左農口尚彦研究所 山廃純米 無濾過原酒, 山廃以天然嘅乳酸菌釀造,帶來柔和未熟梨、蘋果芯般的酸度和果香, 入口幼滑,伴隨着和諧凝縮的米旨鮮味, 搭配刺身、海鮮串燒相當不錯!👍🏻 點擊圖片放大 地址: 十戶 (福星大廈) (土瓜灣) 土瓜灣馬頭圍道89-93號福星大廈地下93號舖 營業時間: 星期一休息 星期二至五:18:00-00:00 星期六、日:12:00-15:30,18:00-00:00