大埔「Homeland」一直都好火熱🔥， 之前見過有好多foodie都會在「Homeland」獨一無二嘅塗鴉牆打卡，😏 小編一直都想去， 不過大埔對我嚟講太遠啦， 而家佢係大角咀開左分店～九龍人就有口福啦！👍🏻 點擊圖片放大 +5 「Homeland」主打手工意粉， 其他菜式都幾多樣化， 一般嘅西餐廳有嘅沙律、湯、pizza、扒類都有， 而且份量十足！啱晒大夥兒share食～😆 點擊圖片放大 +4 🌟推薦❗焦糖菠蘿🍍焗蟹肉餅（$98） 冇諗過蟹肉餅同菠蘿放埋一齊可以咁夾！ 仲要係焦糖菠蘿！ 薄薄一層焦糖脆皮，正！👍🏻 蟹肉餅炸皮唔會太粉，咬落去啖啖蟹肉，不錯吃！ 點擊圖片放大 既然「Homeland」主打手工意粉，梗係要試吓意粉啦！😏 大角咀店舖限定——冬陰功海鮮寬條麵（$128） 擺盤好精美，仲有四大隻鮮蝦，好足料！ 手工寬條麵比一般的粗，幾有咬口！ 配上酸酸辣辣嘅冬陰功醬，味道香濃惹味， 平時冬陰功湯嘅香料味如香茅、南薑、蒜頭等都好突出， 味道層次感豐富～🌟推薦❗ 🌟推薦❗香煎美國🇺🇸安格斯牛肩膀扒（$168） 唔好睇小呢塊牛肩膀扒！ 如果講英文Flat Iron，大家應該耳熟能詳吧！😏 Flat Iron 係藏於牛嘅三角肩，被三條小筋包圍住，一隻牛大約只有約5公斤Flat Iron部位，好矜貴！ 冇諗過小餐廳烹調牛扒嘅功夫相當到家， Medium rare真係剛剛好， 外表烤得呈褐色，並展現出美麗嘅十字網紋， 切開中間呈鮮紅色， 肉質軟腍嫩滑，香醇濃郁，牛魔王必試！😋 點擊圖片放大 招牌明太子海鮮薄餅（$118） 薄餅有6吋之大，分成6份，share食就啱晒啦！😏 薄批感覺比較輕盈， 材料好豐富～有大蝦、三文魚、蟹柳等， 冇諗過三文魚同明太子咁夾！香辣惹味！正！ 點擊圖片放大 「Homeland」仲有唔少手工啤酒選擇， 匯集多款香港🇭🇰本地創作， 知名度比較高嘅當然唔少得板藍根、單眼佬啦！ 而且店家仲好細心將手工啤酒分類為light、medium、full， 方便食客挑選心儀對象～ 小妹揀嘅都係女士們多數見到都會心動嘅蜜糖味～😂 Deadman Bee’s Knees（$68） 蜜糖味道香甜，容易入口～ 🌟推薦❗ DIPA（$68） 黑鳶（Black Kite Brewery）所釀酒 Double Dollar DIPA，以香港$2為標誌，富有香港🇭🇰特色！ DIPA，即係雙倍IPA，特色在於使用大量啤酒花釀製， 雖說酒精濃度比較高，有8.0% ABV之多， 但由於加入多大量嘅啤酒花， 所以入口帶熱帶果味， 酒體豐富順滑，容易入口，絕對值得一試！👍🏻 地址： Homeland (牡丹大廈) (大角咀) 大角咀大角咀道55-65號牡丹大廈北座地下9-12號舖 營業時間： 星期一至日：12:00-16:00、17:30-22:00
