搭東鐵綫去沙田轉巴士返屋企嘅時候，諗住係中途站連城廣場食個快餐，因為連城廣場餐廳選擇都算多，人均消費又比新城市較相宜～😏見到有間越南🇻🇳粉麵都幾多人食，好似唔錯喎！就試下啦～😆原來「越好Pho Vietz」係來自馬來西亞嘅過江龍，過江龍咁巴閉梗係要試下啦！ 除咗可以單點之外，仲有一人或二人套餐，啱晒鍾意食小食嘅小妹。😂二人套餐有指定嘅粉麵或飯，不過加$8亦可以自由配搭～ 聽聞店家嘅「招牌生牛肉湯河」好出名，每日只限量供應250碗，想試嘅foodie記得早啲黎啦！😆第一次黎食，見到花多眼亂嘅餐牌總會令人三心兩意，😂所以小編就揀左乜都有嘅「招牌四寶湯河」，除了店招牌生牛肉外，仲有牛腩、牛丸和牛展，一次過滿足晒四個願望！☺️生牛肉點解係店招牌？因為店家採用嘅係美國牛胸腹肉，肉質嫩滑，牛香十足，牛丸彈牙，咬落去有爆汁嘅感覺～牛腩爽嫩，入口無渣，牛展炆得軟腍入味，又不失咬口「牛魔王」必試！點擊圖片放大 +3 小妹係食肉獸，所以見到可以雞扒、豬扒雙拼，就諗都唔洗諗，越好雙寶飯，唔該！😂😂雞扒、豬扒都係用馬來西亞秘製醬料和越南香料自家醃製，煎至金黃香脆，外脆內嫰，肉汁滿滿，口感一流！最重要係好入味！重口味嘅小妹大讚！😆原來仲有荷包蛋配飯，撈飯一流！😋 跟餐可自選兩款小食，炸蝦餅即叫即炸，新鮮熱辣，口感爽彈，好食喎！ 蝦醬雞中翼炸皮唔算厚，雞翼幾大隻，蝦醬味道鹹香～ 套餐仲包兩杯飲品，食越南🇻🇳菜，梗係要飲返杯恐龍美祿（+$3）～其實美祿係幾濃嘅！不過冇諗過佢係有忌廉係面，仲要配嘅係燕麥脆脆，而唔係我食開嘅美祿脆脆，係幾健康嘅，不過唔係小編杯茶。😃 整體嚟講，食物都算有質素，價錢親民，性價比都算高，值得一試！而家上TOGETDA預訂越好Phovietz $50現金券或「味遊越南」二人套餐禮券，仲可享74折優惠，抵喎！😏網上預訂連結﹕http://bit.ly/3sNVzKC 地址：越好 (沙田)沙田沙田車站圍1號連城廣場1樓109號舖營業時間：星期一至日：10:30-22:00
