近年越來越多人鍾意去咖啡店打卡，不過小編就係一個例外吧😂，冇咩特別都唔會去咖啡店，因為真係人太多，質素又好參差，作為業餘咖啡師嘅小編，自問對咖啡☕️要求都有返咁上下要求，真係唔係間間都有勇氣去試😜，不過小編曾經係ig見過人地去「SP_CE cafe & lounge」影嘅bagel真係幾吸引，Bagel配上多得好似要傾瀉下來嘅炒滑蛋，😳咁啱係附近上完堂就去碰吓運氣試吓嚕！點擊圖片放大 是日為星期六，小編11:30am左右去到已經要排隊，😅好彩係排第二枱囉，不過都等左半個鐘先有得入座！Order左一份Black Truffle Scrambled Egg Bagel（$98）其實價錢一啲都唔平，覺得值唔值就見仁見智啦！Bagel應該唔係原味，食落係鹹鹹甜甜，大家見到傾瀉下來嘅炒滑蛋其實唔係真係好多，只係生菜和蕃茄墊起左啲炒蛋，不過味道係幾好嘅，黑松露都幾多，炒蛋亦幾滑 ，但係生菜、蕃茄同炒蛋其實唔係好夾。美味指數：😋😋😋抵食指數：💰💰💰 入內就見到「SP_CE cafe & lounge 」係用Rocket嘅咖啡機，所以感覺飲凍飲應該係穩陣啲嘅……我地order左兩杯凍飲都麻麻地。點擊圖片放大 兩杯凍飲嘅製作方法類似Shakerato，Pink（$52）就係espresso加西柚汁一齊shake，西柚汁嘅味道雖被咖啡蓋過，但味道係幾refreshing～ 美味指數：😋😋😋抵食指數：💰💰💰Alcohol（$58）雖說話有whisky係裏面，但就唔係好感覺得到，對比起Pink，啲泡多左一倍，泡沫多到有半杯都係泡😅，加左檸檬🍋，所以味道酸酸的。 美味指數：😋😋抵食指數：💰總括嚟講，我覺得店家嘅Shakerato需要改良一下，半杯泡都上枱太過份了吧！👎🏻值得留意嘅係，店家規定每人最少order一杯飲品，但店中嘅飲品也未免太令人失望😞吧～地址：SP_CE cafe & lounge (上環)上環普慶坊20號地下營業時間：星期一至五：10:00-18:00星期六、日：9:00-18:00
