冇諗過油麻地都有咁出色嘅私房菜～今次由油麻地地膽帶我去左「食德福海鮮私房菜 」食傳統中菜，竟有意想不到嘅收穫～ 餐廳門面、裝潢雖然比較平實樸素，門外嘅水缸最能呈現呢度係有海鮮賣嘅～😂餐廳裏空間寛敞，原來仲有二樓雅座，即使係正苦疫情下社交距離嘅新措施，二人限聚，都夠晒空間～人不可以貌相，餐廳都不可以呀！😜餐牌上有各式各樣精美嘅小菜，刺身、燉湯、海鮮、煲仔菜、煎炸香口菜～仲有多款套餐優惠，都幾抵食～點擊圖片放大 +3 自家製金湯豆腐（$118）係餐廳嘅招牌菜！看似平凡嘅賣相，但其實好考功夫，豆腐面塗上菠菜蓉，再沾上適量嘅炸粉，豆腐外皮炸至金黃色，像一件件金磚，但炸皮好薄，一咬落去，軟滑嘅豆腐就好似要衝出嚟，😂配上南瓜🎃所造嘅金湯，味道清香甜美，加上鮮白合嘅點綴，好清新嘅前菜，可以清一清味蕾～🌟推薦❗點擊圖片放大 🌟推薦❗鬼馬雙星（$98）一客份量超多！😳😳作為外皮嘅油炸鬼香脆可口，裏面釀入鮮味彈牙嘅墨魚膠，蘸上酸辣汁，味道更惹味呢！ 雞煲食得多，但回鍋肉口味你又食過未？川味回鍋滑雞煲（$128）採用鮮雞件，肉香味美，味道同回鍋肉一樣，微辣惹味！配菜仲有好多筍片添～ 🌟推薦❗脆皮炸大腸（$98）炸大腸外層香脆煙韌，內側油香， 皮脆肉嫩，香濃鮮味～蘸上特製甜酸醬，神還原客家傳統菜嘅味道～ 冬天梗係要食糯米飯暖下身啦！🌟推薦❗臘味糯米飯（$98）呢度嘅糯米飯好出色，材料豐富，份量又毫不吝嗇，真係啖啖臘肉～😋😋糯米飯口感煙韌黏身，搭配風味十足嘅臘肉、臘味、花生等，再加入蔥花，增添了不少香氣，必試！ 地址：食德福海鮮私房菜 (油麻地)油麻地砵蘭街78-84號幸運大廈地舖營業時間：星期一至日：11:00-23:45
