小編因為鍾意食燒賣嘅小妹而join左facebook嘅「香港燒賣關注組」，😂😂得知大埔「粉果佬」被堪稱為可能係全香港🇭🇰最好食燒賣，咁啱Weekend同小妹踩單車🚴經過，順便去朝聖～☺️ 據說，「粉果佬」係由大埔廣福邨冬菇亭出身，年屆80歲嘅「燒賣佬」參叔，一直堅持傳統手包燒賣、粉果至今，由搓皮備餡至一籠籠蒸出來，廣受大眾歡迎，日日都大排長龍～我地星期六去，都要排20分鐘左右。😆 燒賣最多買$30/18粒，粉果最多買$20/6件。手包魚肉燒賣 （$10/6粒）燒賣都幾大粒，標榜以肥豬肉、鯊魚肉、冬菜、葱頭等材料自家打製成，不過其實小編唔知鯊魚肉應該係咩味😅，但其實魚味並唔係好香或突出，可能係豉油或者辣椒油蓋過左其本身嘅味道？不過口感確實係幾燒韌，係幾值得一試嘅！但唔好期望過高～～～ 美味指數：😋😋😋😋抵食指數：💰💰💰💰地址：粉果佬 (大埔)大埔安慈路4號昌運中心地下32號舖營業時間：星期一至日 12:00-22:00
