見到openrice訂座有全單85折優惠,小編梗係唔可以執輸啦!😂今次已經係第三次黎「柞木炭家」,「柞木炭家」賣點係用柞木炭作韓式燒烤,而柞木嘅特性就係耐火燒,所以可以係保留返食材嘅原汁原味,又可增添炭燒風味~ 食物除咗單點之外,仲有二人或四人套餐可選,更抵食呢!我同小妹order左個二人套餐—王道($698),真係好豐富嘅!點擊圖片放大 +3 和其他韓式🇰🇷餐廳一樣,上菜之前都會提供多款前菜,有涼拌小黃瓜、茄子、芽菜、芝士粟米等, 最欣賞嘅係自家醃製嘅泡菜!每枱都有一砵,鍾意食幾多就剪幾多, 感覺更新鮮,更衛生。食完仲可以refill,真係食前菜都夠飽啦!😂包肉食嘅菜都係免費追加架!👍🏻跟餐仲有一份大醬蘿蔔牛舌,一食就知係燜煮得好夠火候,好入味!☺️一口厚切牛舌口感豐富,肉汁豐腴,正! ⭐️是日雪下覓炙·四款部位🌟推薦❗一碟有4款精選牛肉,有和牛牛胸腹肉、和牛牛板腱肉、方切和牛及韓牛牛肩肉,一睇油脂分布尤如雪花般,就知道全部用料有幾上乘!😍😍 牛胸腹肉係肋骨靠腹部內側嘅肉,又稱牛五花,肉味最濃,肉汁多, 牛板腱肉肉質細嫩,油花密佈,有細密嘅大理石紋路,口感比較油潤,鮮美多汁,又不失有嚼勁~ 方切和牛肉嫩甘香, 牛肩肉為前腿嘅上部嘅部位,因為呢個部位嘅肌肉比較發達,兼附牛筋和牛筋膜令其更有口感! ⭐️黑毛豬五花肉🌟推薦❗上等嘅黑毛豬五花肉,紅白相間,肉嫩香口~ ⭐️ 最上等牛肋骨(原味)(加配$205)🌟推薦❗有半節手臂💪🏻咁長嘅牛肋骨,肉嫩甘香,啖啖濃郁牛味,口感豐富,加錢都抵食!😎點擊圖片放大 ⭐️紅蝦配大墨魚紅蝦好大隻,肉質爽彈鮮甜,大墨魚份量唔多,但勝在厚身,口感佳! ⭐️海鮮豆腐湯泡菜湯微辣惹味,海鮮有青口、蝦,豆腐又嫩滑,不錯吃! ⭐是日精選甜品為蜂蜜蛋糕,口感鬆軟,帶着淡淡蜂蜜香氣~ 地址:柞木炭家 (旺角)旺角彌敦道700號T.O.P This is Our Place 5樓501號舖營業時間:星期一至日:11:30-23:00