我女友，西貢小妹，一向眼闊肚闊😂😂😂(笑。唔好話比佢知)特別鍾意小食嘅佢，次次食飯都想叫晒餐牌上嘅嘢食。男友表示無語😓，中秋佳節幾日連假落開西貢放狗，行過食街見到間新開既小店—「嘰哩咕嚕」，終於，搵到間小妹可以狂食小食嘅餐廳喇！ 小店以外賣為主，但店內外都約有五至六個位比想堂食嘅朋友。坐低打開Menu，小妹兩眼發光，因為有成十幾款小食任佢揀！小食種類繁多，份量同埋價錢亦都非常合理。點擊圖片放大 +3 小妹叫咗份麻醬手撕雞冷麵($35)手撕雞份量非常多，鋪滿晒成碗麵，估唔到嘅係麻醬份量都非常多！！Nice。冷麵軟硬適中，配上清新嘅青瓜絲，重口味嘅小妹一路食一路讚😂，唔講以為拍緊美食節目😂😂😂。 而我就叫咗碗蔥油雞拌麵($35)上枱嘅時候面頭嘅蔥油雞仲係熱既。即叫即整果然係唔同啲，可以食到最佳口感。同樣地手撕雞都係鋪滿成碗麵，本來擔心只有雞肉有醬汁，個麵會好乾。點知個麵都係好多汁㗎！多汁嘅程度係，就算小妹影相影到佢涼咗個麵都冇黐住！表示非常欣賞。 小妹今次只係叫咗兩款小食，佢話為咗可以嚟食多幾次喎。我地叫咗脆脆雞軟骨($25)和南瓜脆脆餅($20)全部都係即叫即炸，上枱嘅時候仲可以聽到油炸嘅”滋滋聲”，雞軟骨用咗椒鹽調味，非常香口，最啱打包幾份返屋企當佐酒小食！ 南瓜餅內嘅南瓜蓉綿密，有淡淡嘅南瓜香和奶香。 我哋仲叫咗原味同提子味嘅波子汽水(跟麵+$8)cooldown下食完油炸嘢嘅喉嚨，順便回憶下小時候嘅味道，細個中意飲波子汽水係因為想玩佢粒波子😎，剛好圓滿左呢一餐。 地址：嘰哩咕嚕 (西貢)西貢敬民街9號地下24號舖營業時間：星期一至二，四至日：12:00-20:00星期三休息
