網上見到「DK Cuppa Tea」9月份推出左以萌萌狗做主題嘅「寵幸遊蹤」下午茶隨身行套裝，最正嘅係，預訂左呢套下午茶，可以優惠價額外加購一份狗狗專享零食盒，咁就可以人狗一齊享用下午茶啦！☺️ 「寵幸遊蹤」下午茶隨身行套裝設有二人 / 四人份量（$348/$568），外賣自取或送貨都得，不過送貨就有額外收費，我同小妹兩個人分頭行事，佢gogovan帶狗，我就去自取野餐籃😆，然後搭三個站就可以去到最近，可以帶狗嘅西九文化區野餐～套裝仲附送一個野餐籃和精美嘅三層架，連去郊外野餐都可以擺個三層架，啱晒打卡！😎 套裝鹹點、甜點都有！莎樂美腸 2塊蟹柳芝士 2 條 狗狗造型曲奇 2塊迷你巴馬火腿牛角包 2件英式鬆餅 2件迷你焦糖夾心鬆餅 2件迷你番茄羅勒鬆餅 2件點擊圖片放大 +3 最鍾意蟹柳芝士，啱晒小朋友口味！☺️迷你巴馬火腿牛角包比想像中好食，牛角包唔會太腍，迷你焦糖夾心鬆餅面頭有啲脆脆，幾香口，焦糖夾心香甜可口，甜度適中。狗狗專享零食盒用精緻嘅小球盛載着，有心型雞蛋、菠菜蓉、雞肉粒、紅蘿蔔粒，所有食料均無添加糖或鹽，啱晒毛孩食！😆詳情可參閱以下連結：http://shop.aroma.com.hk/tc/product?no=652地址：DK Cuppa Tea (上環)上環新街市街19號地舖營業時間：星期一至日：12:00-20:00
