疫情底下已經好耐未上過深圳食酸菜魚，😢食過咁多間，小編終於搵到一間正宗口味嘅酸菜魚啦～酸菜魚夠酸，魚肉又夠滑，識食一定食「捌壹壹」。 唔講唔知，原來店名「捌壹壹」係舊時重慶嘅電話地區號碼，用嚟做餐廳名夠晒代表性！😏齊心抗疫底下，在openrice訂座，仲有全單8折優惠，抵呀！ 唔好以為食酸菜魚一定要食辣，有辣有走辣，任君選擇。嗜辣嘅foodie可以食中辣或以上，小編食開譚仔小辣，「捌壹壹」嘅小辣就有啲唔夠喉啦。🙊🌟推薦❗️招牌必食冷鍋酸菜魚($168)其實冷鍋嘅意思，就係已經煮好，唔需要再加熱食，所以上枱後千祈唔好加熱食！因為再煮，啲魚肉就會變老架啦！食酸菜魚之前先飲啖湯～入口完全唔油，先有一陣麻香，慢慢就有啲辣滲出嚟，酸辣惹味，有啲人仲會加個飯，注入湯變湯飯食，都唔錯架！😏酸菜魚嘅魚肉採自新鮮嘅生魚，魚皮厚滑，魚肉爽滑彈牙，不過唔好嘅就係有小小骨，所以食嘅時候要小心啲！食完魚就可以加水打邊爐啦！點擊圖片放大 本身酸菜魚裏面已經有少量嘅水晶寛粉，不過如果嫌唔夠喉，可以額外加一份（$28），寛粉吸晒湯汁，煙韌滑溜，正！ 鴨血（$35）完整一磚鴨血，好抵食呀！不過可惜呢種唔係台灣鴨血，口感冇咁煙韌，味道亦冇咁鮮香。麻辣脆耳 ($55)豬耳厚切，食落夠爽脆，自家製麻辣醬汁幾惹味，加上青瓜絲伴食，多一份清新感。 🌟推薦❗️無骨口水雞（$68）例牌嘅份量都幾多，兩三個人食都得！雞件都幾厚肉，肉質嫩滑味美，連雞胸位都唔嚡，加上自家製醬汁微辣惹味，正！ 🌟推薦❗️黑糖糍粑糍粑即叫即炸，外脆內煙韌配上黃豆粉和黑糖漿，香甜味美！ 地址：捌壹壹 (旺角)旺角奶路臣街33號地下F號舖營業時間：星期一至日：11:30-23:30
