香港首間引入九層塔嘅「九重鮮」， 原本只係做蒸氣火鍋， 最近竟然推出左放題優惠， 集海鮮、烤肉、串燒於一身， 最平$198！ 可以任食沙白、白蜆、沙蜆、蕃薯蜆和大頭蝦或海蝦，超抵食！ 其他套餐仲有海鮮蒸鍋連粥底， 鐘意食海鮮嘅foodie唔可以錯過呀！ 供應時段： 星期一至四：18:30- 22:00 (3.5小時任食) 星期五至日及假期：18:30- 22:00 (2小時任食) 「九重鮮」係海鮮蒸鍋而出名， 梗係要食下佢嘅招牌菜啦！ 我地揀左弘益塔（$268/位） 除咗可以任食沙白、白蜆、沙蜆、蕃薯蜆和大頭蝦或海蝦， 仲有三款海鮮蒸鍋， 完全冇落一滴油，無味精嘅純蒸煮， 便輕易帶出海鮮嘅原汁原味， 肉質彈牙唔乾身， 亦都證明海鮮有幾新鮮！ 龍蝦新鮮，肉質鮮甜爽彈！ 鮑魚軟腍鮮味，不錯吃！ 全部沙白、白蜆、沙蜆、蕃薯蜆都用水浸住養住， Foodie想食幾多就拎幾多， 點擊圖片放大 +2 其中白蜆和蕃薯蜆， 因為大隻嘅關係，沙石比較少漏網之魚， 而且肉質鮮甜味美！ 食完蒸海鮮之後， 可以食薈萃左所有海鮮精華嘅泡菜粥底， 鮮甜美味，食唔晒仲可以打包tim～ 串燒和烤肉方面， 都有好多款口味可選擇， 有新疆16味、汁燒、鹽燒， 有韓式、日式、泰式。 點擊圖片放大 +3 汁燒七味雞髀菇 雞髀菇灑上微辣嘅七味粉，淋上香甜嘅燒汁， 香辣交錯，味道幾新穎！ 新疆16味燒牛脷串 牛脷厚薄適中， 加上以孜然粉、香草等16種調味香料醃製， 味道雖複雜，但又真係幾惹味！ 無論係泰式或韓式， 烤雞肉或豚肉肉質嫩滑， 燒菠蘿好香甜，正！ 水牛城雞中翼雖然味道唔係美式個種， 不過都值得一試！ 烤多春魚燒得好完整， 滿肚子嘅魚籽，味道十分鮮美！ 炸雞即叫即炸，但炸皮略嫌有點厚， 肉質唔夠嫩滑，但配黑松露醬確實幾搭配！ 銀子燒係用錫紙包住海鮮和韓式粉絲一齊燒嘅料理， 可以自選醬汁（麻辣或清湯）， 嗜辣嘅foodie一定要揀麻辣口味， 粉絲好煙韌，吸晒海鮮嘅鮮香，好惹味！必試！ 自助區仲有沙律、甜品、爆谷等，好豐富呀！ 是日甜品有豆腐花， 雖然豆味唔係好突出，但幾滑溜。 除咗自助區之外， 每位奉送焦糖布甸椰皇子甜品一客， 上層係香甜嘅焦糖布甸，配上椰汁，意想不到嘅配搭！ 最底層係以椰皇水製成嘅啫喱， 質地滑嘟嘟，加上爽口嘅椰子肉，椰香十足！ 飲品方面， 每位只要加$12，就可以升級享用韓國嘅罐裝飲品、汽水等， 加$38仲可以嘆埋澳洲紅白酒、松竹梅清酒、盧森堡啤酒、韓國Hite啤， 白酒係pinot grigio和moscato mixed嘅白酒， 酸酸甜甜，配海鮮一流， 飲一杯都已經回到本，超值！ 地址： 九重鮮 (紅磡) 紅磡黃埔天地聚寶坊(第11期)地下G26號舖 營業時間： 星期一至日：18:00-00:00
