上次食過「日本野」嘅石燒吉列霜降牛小排， 覺得幾抵食， 成個定食都唔洗$200， 吉列牛小排亦相當有質素， 所以今次又再黎幫襯！ 除咗散叫之外， 呢到仲有晚餐套餐提供， 有定食、丼飯、鍋物，$98起， 包湯/沙律和咖啡/茶/汽水一杯，都算幾抵！ 點擊圖片放大 +3 是日沙律為蟹籽沙律， 是日餐湯為麵豉湯， 沒有太大嘅驚喜，味道一般。 上次食過石燒吉列牛覺得唔錯， 所以今次要食過返尋味！ 石燒吉列霜降牛小排（$178） 吉列皮炸得夠香脆，厚薄適中， 牛小排有着細緻嘅油花紋理， 入口肉香味美，又不失嚼勁， 可惜溏心蛋就有啲過熟，蛋黃唔係好夠溏心， 不過蛋香都算濃郁，啱晒送飯～ 點擊圖片放大 和牛壽喜燒（$188） 可以揀配烏冬或飯， 我地揀左烏冬，係事先已經灼過嘅烏冬，方便快熟， 食落去口感唔會太粉，質素普普通通啦！ 不過壽喜燒嘅質素不錯， 湯底鹹甜適中， 材料豐富，有好多蔬菜、菇菌等， 牛肉份量都算合理，肉香味美， 唯一需要改進嘅係個爐， 因為用速燃蠟塊關係，爐唔係好夠火力， 燒左兩三次都唔係好夠滾！ 套餐仲可以優惠價額外追加小食～ 我地要左芝士年糕（2件）（$28） 芝士年糕炸得比較脆，但有啲炸得太過。 身為牛油果控， 見到牛油果加洲卷（$58）就忍唔住啦！ 賣相都幾精緻， 蟹籽沙律砌到好似座小山丘咁， 牛油果夾在卷物中間，味道不錯， 不過如果可以多啲牛油果會更切合吧！ 地址： 日本野 (旺角) 旺角西洋菜南街2A號銀城廣場9樓 營業時間： 星期一至日：12:00-16:00，18:00-23:30
