之前成日見到有好多foodie拎住個色彩繽紛嘅雪糕打卡， 原來就係—「DAMA」， 「DAMA」主打多款口味的純素軟雪糕、低糖蛋糕甜品等， 而且最重要嘅係不含蛋奶素， 啱晒純素食者、蛋奶過敏者和健康人士～ 「DAMA」嘅軟雪糕除咗人氣經典嘅紅肉火龍果口味之外， 仲有期間限定嘅貓山王榴槤味， 身為榴槤愛好者梗係唔可以錯過啦！ 食雪糕筒會搞到周圍都係， 可以叫杯裝，有脆脆杯或水果杯揀。 貓山王榴槤純素軟雪糕 入口香滑軟綿， 而且軟雪糕內含80％新鮮果肉， 咁足料！唔怪得榴槤味咁true咁香濃！ 係小編食過至今最濃味嘅榴槤雪糕之一～ 配搭嘅水果豐富又新鮮，正！ 小妹最鐘意食楊枝甘露， 楊枝甘露變成雪糕會係點？ 雪糕筒可以揀返自己鍾意嘅顏色：黑色或紅色， 其實味道都係一樣原味嘅味道！ 芒果嘅清香比較突出， 都說得過去嘅楊枝甘露味， 不過可能加返啲柚子嘅酸香會更好！ 除咗雪糕和蛋糕， 「DAMA」仲有賣果汁、果茶、湯品、小食和wrap， 適逢抗疫時期，仲有抗疫湯水，潤肺健脾，增強抵抗力，同心抗疫！ 所有食品夠晒健康， 啱晒愛健康愛美嘅OL～ 點擊圖片放大 +4 Cold pressed juice(冷壓果汁)比鮮榨果汁能有效保存水果原有營養， 而且係純正100%果汁，保証夠原汁原味～ 神石榴、雪梨、檸檬（$62） 加入左營養價值豐富嘅神石榴， 有獨特嘅香氣， 最重要係低卡路里，纖維高，又含豐富嘅維他命。 鹽烤百頁豆腐（$38） 百頁豆腐係由豆漿製成的，口感更獨特更彈牙， 店家更採用氣炸鍋炮製，相對地用少啲油， 食落更健康， 只係簡單地灑上胡椒鹽已經夠晒惹味！ 值得一讚嘅係， 店家採用可循環使用嘅匙羹和叉， 帶返屋企循環再用都得！ 為環保出一分力！ 地址： DAMA (尖沙咀) 尖沙咀梳士巴利道18號Victoria Dockside K11 Musea 4樓411號舖 營業時間： 星期一至四：12:00-21:30 星期五至日：12:00-22:00
