去過「新南苑」食雞煲打邊爐兩三次， 覺得質素都不錯， 咁啱係facebook見到佢做緊promotion， 任食雞煲，加埋任食火鍋，都只係$198/位， 仲要免加一，免醬油費，兩小時任飲任食，抵呀！ 所以收工就同同事去happy下～ 點擊圖片放大 如果想食得豪啲， 都有第二個套餐，集任食雞煲、海鮮、任食火鍋於一身，$268/位起。 抗疫期間， 仲每位都送增強免疫力嘅老火靚湯一碗～ 期間限定，仲送每位鮑魚一隻，補補身咁話喎！ 麻辣雞煲係即叫即整， 所以食之前要耐心等候～ 雞煲要煮6分鐘，每2分鐘需搞拌一次，避免癡底， 最後先將油炸鬼放埋落去一齊食， 油炸鬼吸左雞煲嘅醬汁，幾惹味， 雞件肉質嫩滑，麻辣滋味， 如果一煲食唔夠喉既話， 仲可以係上火鍋湯底前免費encore， 可以食到番本為止！ 點擊圖片放大 食完雞煲， 就可以加清湯底打邊爐啦！ 有超過30款火鍋配料，都係任點任食架！ 有各種餃和丸類如鮮雲吞、韮菜餃、魚皮餃， 墨汁墨魚丸、芝士丸等， 仲有響鈴、出前一丁、讚岐烏冬、韓國芝士麵～ 海蝦好新鮮，肉質爽彈，鮮甜味美！ 連美國肥牛都係任食！ 肥牛紅白相間，肥瘦適中，不錯！ 除此之外， 各類蔬菜如芽菜、生菜、娃娃菜都係自由添加， 各類飲品和汽水、自家製涼菜都係任飲～ 地址： 新南苑私房菜火鍋鷄煲 (旺角) 旺角彌敦道678號華僑商業中心3樓全層 營業時間： 星期一至日:18:00-03:00
